പ്രകൃതിദത്ത ആവാസവ്യവസ്ഥയുടെ നാശത്തിന് കാരണം വനനശീകരണം; മരങ്ങളുടെ പ്രാധാന്യവും പ്രകൃതി സംരക്ഷണവും

സാമ്പത്തിക ലാഭങ്ങൾക്കുവേണ്ടിയുള്ള വനനശീകരണം പ്രകൃതിദത്ത ആവാസവ്യവസ്ഥയുടെ നാശത്തിന് കാരണമാകും. ഇത് വലിയ പാരിസ്ഥിതിക പ്രശ്നങ്ങൾക്ക് വഴിവെക്കും. ഭൂമിയിൽ നമുക്ക് ജീവിക്കാൻ മരങ്ങൾ ആവശ്യമാണ് എന്നത് ഏറെ പ്രാധാന്യത്തോടെ നാം ഓർമ്മിക്കേണ്ടതാണ്. മനുഷ്യർക്കും ജീവിതകാലം മുഴുവൻ ഉപയോഗപ്രദമാകുന്ന വലിയ അളവിലുള്ള ആവാസവ്യവസ്ഥാ വിഭവങ്ങൾ മരങ്ങൾ വാഗ്ദാനം ചെയ്യുന്നു.

പ്രകാശസംശ്ലേഷണ പ്രക്രിയയിലൂടെ നാം ശ്വസിക്കുന്ന ഓക്സിജൻ അവ നൽകുന്നു. അന്തരീക്ഷത്തിലെ കാർബൺ ഡൈ ഓക്സൈഡിന്റെ അളവ് കുറയ്ക്കുന്നതിനും ഇത് സഹായിക്കുന്നു. വന-പരിസ്ഥിതി വ്യവസ്ഥകളുടെ രൂപീകരണത്തിലും ജൈവവൈവിധ്യ പരിപാലനത്തിലും മരങ്ങൾ വലിയ പങ്കാണ് വഹിക്കുന്നത്. ജീവജാലങ്ങക്ക് നിലനിൽപ്പിനുള്ള അനുയോജ്യമായ അന്തരീക്ഷം സൃഷ്ടിക്കുന്നതും മരങ്ങളാണ്. വനമേഖലയും ഒരു പ്രദേശത്തെ മഴയുടെ അളവും തമ്മിലുള്ള ബന്ധത്തെ അടയാളപ്പെടുത്തുന്ന വ്യത്യസ്ത പഠനങ്ങളുണ്ട്. വൃക്ഷങ്ങളുടെ എണ്ണം കൂടുന്നതിനനുസരിച്ച് ഈർപ്പം കൂടുന്നു, അതിനാൽ മഴയുടെ സാധ്യതയും കൂടുതലാണ്. ഇത് മണ്ണിന്റെ രൂപവത്കരണത്തെ സഹായിക്കുകയും മണ്ണൊലിപ്പ് തടയുകയും ചെയ്യുന്നു.

തുടക്കത്തിൽ സൂചിപ്പിച്ചതുപോലെ മനുഷ്യരുമായി ബന്ധപ്പെട്ട വലിയ ആവശ്യങ്ങളാണ് മരങ്ങളുടെ നാശത്തിന് കാരണമാകുന്നത്. ഫർണിച്ചർ, പേപ്പർ തുടങ്ങിയവയുടെ നിർമ്മാണത്തിനായി ആഗോളതലത്തിൽ വൻതോതിൽ മരങ്ങൾ വെട്ടുന്നു. ഇത് വനനശീകരണത്തിന്റെ പ്രധാന കാരണമാണ്. ഇതിന്റെ പരിണതഫലമായി ലോകമെമ്പാടും പാരിസ്ഥിതിക, സാമൂഹിക, സാമ്പത്തിക, പ്രത്യാഘാതങ്ങൾസൃഷ്ടിക്കുന്നു. നമുക്ക് കുറച്ച് മരങ്ങൾ മാത്രമേയുള്ളൂവെങ്കിൽ വായു ശുദ്ധീകരണവും താരതമ്യേന കുറയും. ഇത് അന്തരീക്ഷത്തിൽ ഹരിതഗൃഹ വാതകങ്ങളുടെ ഉയർന്ന സാന്ദ്രതയ്ക്ക് കാരണമാവുകയും ശരാശരി താപനില വർദ്ധിപ്പിക്കുകയും ചെയ്യും. താപനിലയിലെ ഈ വർധനവ് കാലാവസ്ഥാ വ്യതിയാനത്തിന് കാരണമാവും.

മരങ്ങൾ അപ്രത്യക്ഷമാകുന്നതോടെ എണ്ണമറ്റ മൃഗങ്ങളുടേയും സസ്യജാലങ്ങളുടേയും സൂക്ഷ്മാണുക്കളുടേയും വികാസത്തിനുള്ള പ്രകൃതിദത്ത ആവാസവ്യവസ്ഥയുടെ നാശത്തിനും കാരണമാകുന്നു. എന്നിരുന്നാലും, വനനശീകരണം എല്ലായ്പ്പോഴും ഒരു തർക്കവിഷയമാണ്. സാമൂഹിക-സാമ്പത്തിക ആവശ്യങ്ങൾക്കായി ഉയർന്ന പാരിസ്ഥിതിക ആവാസവ്യവസ്ഥകൾ നശിപ്പിക്കപ്പെട്ടിട്ടുണ്ട്. കാട്ടുതീ മുമ്പത്തേതിനേക്കാൾ അപകടകരവുമാണ്. ഒരു പ്രദേശത്ത് തീപിടുത്തമുണ്ടായപ്പോൾ ചില സ്പീഷിസുകൾ എന്നെന്നേക്കുമായി ഇല്ലാതാവും.

നശിപ്പിക്കപ്പെട്ട മരങ്ങൾക്ക് പകരം പുതിയത് വച്ചുപിടിപ്പിക്കുക എന്നത് മാത്രമാണ് ഏക മാർ​ഗം. വരാനിരിക്കുന്ന പരിസ്ഥിതി ദിനത്തിൽ വൃക്ഷങ്ങളുടെ പ്രാധാന്യം ഉൾക്കൊണ്ടുകൊണ്ട് നമുക്കും നല്ല നാളേക്കായി തൈകൾ നടാം....