/sathyam/media/agency_attachments/5VspLzgrB7PML1PH6Ix6.png)
Follow Usകുവൈത്ത് സിറ്റി: 'കായിക ശക്തി മാനവ നന്മക്ക്‌' പ്രമേയവുമായി യൂത്ത് ഇന്ത്യ കുവൈത്ത് സംഘടിപ്പിക്കുന്ന ശിഫ അല്‍ ജസീറ പ്രവാസി സ്പോര്ട്സ് ആൻഡ് ഗെയിംസ് നാളെ വെള്ളിയാഴ്ച നടക്കും. വെള്ളിയാഴ്ച രാവിലെ 7:30 മുതൽ കൈഫാന്‍ അമേച്വര്‍ അത്‌ലറ്റിക് ഫെഡറേഷന്‍ സ്റ്റേഡിയത്തിലാണ് പരിപാടി. നേരത്തെ ഒക്ടോബർ 25ന് നടത്താൻ നിശ്ചയിച്ച മേള സാേങ്കതിക കാരണങ്ങളാൽ മാറ്റിവെക്കുകയായിരുന്നു.
മത്സരാര്‍ത്ഥികളുടെ വര്‍ണ്ണശബളമായ മാര്‍ച്ച്‌ പാസ്റ്റിന്‌ സോണല്‍ ക്യാപ്റ്റന്‍മാരായ ലിസാബ്, ഹാഷിം പൊന്നാനി, വിഷ്ണു നടേഷ്‌, അസ്‌ലാദ് എന്നിവര്‍ നേതൃത്വം നല്‍കും. ഫഹാഹീല്‍, അബ്ബാസിയ, സാല്‍മിയ, ഫര്‍വ്വാനിയ സോണുകളില്‍ നിന്നായി ആയിരത്തോളം മത്സരാര്‍ത്ഥികള്‍ പങ്കെടുക്കും.
കുരുന്നുകള്‍ മുതല്‍ മുതിര്‍ന്നവര്‍ വരെ ഒമ്പത് വിഭാഗങ്ങളിലായി ട്രാക്ക്‌ - ഫീല്‍ഡ്‌ മത്സരങ്ങള്‍ അരങ്ങേറും. വ്യക്തിഗത മത്സര ഫലങ്ങളും സോണുകളുടെ പോയൻറ് നിലയും തത്സമയം സ്റ്റേഡിയത്തിലെ സ്ക്രീനില്‍ ലഭ്യമാകും.
www.youthindiakuwait.com എന്ന വെബ്സൈറ്റിലൂടെ ഇതിനകം ആയിരത്തിൽ പരം ആളുകൾ രജിസ്റ്റര്‍ ചെയ്തുകഴിഞ്ഞു. ഉദ്ഘാടന സെഷനിലും സമ്മാനദാന ചടങ്ങിലും കുവൈത്തിലെ സാമൂഹിക സാംസ്കാരിക രംഗത്തെ പ്രമുഖരും അറബ്‌ പ്രമുഖരും പങ്കെടുക്കും.
മത്സരാർഥികള്‍ക്ക്‌ കുവൈത്തിെൻറ വിവിധ മേഖലകളില്‍ നിന്നും വാഹന സൗകര്യം ഏര്‍പ്പെടുത്തിയിട്ടുണ്ട്‌. കൂടുതൽ വിവരങ്ങൾക്കു 97547254 എന്ന നമ്പറിൽ ബന്ധപെടുക.