സുപ്രീംകോടതിയില്‍ അഞ്ച് പുതിയ ജഡ്ജിമാര്‍ അധികാരമേറ്റു

ന്യൂഡൽഹി: സുപ്രീംകോടതിയില്‍ അഞ്ച് പുതിയ ജഡ്ജിമാര്‍ സത്യപ്രതിജ്ഞ ചെയ്ത് അധികാരമേറ്റു.

രാജസ്ഥാന്‍ ഹൈക്കോടതി ചീഫ് ജസ്റ്റിസ് പങ്കജ് മിത്തല്‍, പട്ന ഹൈക്കോടതി ചീഫ് ജസ്റ്റിസ് സഞ്ജയ് കരോള്‍, മണിപ്പുര്‍ ഹൈക്കോടതി ചീഫ് ജസ്റ്റിസ് പി.വി സഞ്ജയ് കുമാര്‍, പട്ന ഹൈക്കോടതി ജസ്റ്റിസ് അഹ്സാനുദ്ദീന്‍ അമാനുല്ല, അലഹബാദ് ഹൈക്കോടതി ജസ്റ്റിസ് മനോജ് മിശ്ര എന്നിവരാണ് അധികാരമേറ്റത്.

സുപ്രീംകോടതി കൊളീജിയത്തിന്റെ ശിപാര്‍ശ കേന്ദ്രസര്‍ക്കാര്‍ അംഗീകരിച്ചതോടെയാണ് അധികാരമേറ്റത്. ചീഫ്ജസ്റ്റിസ് ഡി.വൈ. ചന്ദ്രചൂഡ് സത്യവാചകം ചൊല്ലിക്കൊടുത്തു.