വിവാഹം കഴിക്കാന്‍ ആഗ്രഹമുണ്ട്; പക്ഷെ, പേടിയാണ്, എന്തെങ്കിലും പറഞ്ഞാല്‍ വളച്ചൊടിക്കും, വിവാദമാകുമെന്ന് അഭിരാമി സുരേഷ്

ഗായിക അമൃത സുരേഷിന്റെ സഹോദരിയായ അഭിരാമി സുരേഷ സോഷ്യല്‍ മീഡിയയില്‍ സജീവാമണ്. ഗായികയും സംഗീത സംവിധായകയും വീഡിയോ ജോക്കിയുമൊക്കെയായ അഭിരാമി ഏഷ്യാനെറ്റിലെ ബിഗ്‌ബോസ് എന്ന പരിപാടിയില്‍ സഹോദരി അമൃതയ്‌ക്കൊപ്പം പങ്കെടുത്തിരുന്നു.

ഇരുവരും പങ്കുവയ്ക്കുന്ന ഫോട്ടോയും വീഡിയോകളുമൊക്കെ വൈറലാകാറുണ്ട്. എന്നാലിപ്പോള്‍ വിവാഹത്തെക്കുറിച്ചുള്ള തന്റെ അഭിപ്രായങ്ങള്‍ അഭിരാമി പങ്കുവച്ചിരിക്കുകയാണ്.

എനിക്ക് വിവാഹം കഴിക്കാന്‍ ആഗ്രഹമുണ്ട്. എന്നാല്‍, പേടിയാണ്. കാരണം സോഷ്യല്‍ മീഡിയയുടെ നോട്ടപ്പുള്ളിയാണ് ഞാന്‍. സംസാരിക്കുമ്പോള്‍ നല്ലതുപോലെ ആലോചിക്കണം. അല്ലെങ്കില്‍ വളച്ചൊടിക്കും. വിവാദമാകും.

വിവാഹം കഴിക്കാന്‍ നൂറുവട്ടം ചിന്തിക്കണം. വിവാഹത്തിനുശേഷം എന്തെങ്കിലും പ്രശ്‌നമുണ്ടായാല്‍ ആ ബന്ധത്തില്‍നിന്ന് പുറത്തു ചാടാന്‍ ഒരുപാട് കടമ്പകളുണ്ട്. നാട്ടുകാര്‍ക്കാണ് കൂടുതല്‍ പ്രശ്‌നം. സമയമായെന്നു തോന്നുമ്പോള്‍ വിവാഹം ചെയ്യും. അതിനായി ഒരാളെ കണ്ടെത്തിയിട്ടില്ലെന്നും അഭിരാമി പറയുന്നു.