പോക്സോ കേസിലെ അതിജീവിത തൂങ്ങി മരിച്ച നിലയില്‍; മൃതദേഹം കണ്ടെത്തിയത് വനത്തിൽ

കൊല്ലം: പതിനാറുകാരിയെ തൂങ്ങി മരിച്ച നിലയില്‍ കണ്ടെത്തി. കൊല്ലം കുളത്തൂപ്പുഴ സ്വദേശിനിയായ 16കാരിയാണു മരിച്ചത്.

പോക്‌സോ കേസിലെ അതിജീവിതയാണ്  പെണ്‍കുട്ടി.  മൃതദേഹം ബന്ധുവീടിനു സമീപത്തെ വനത്തിലാണ് കണ്ടെത്തിയത്.

മാര്‍ച്ച് അഞ്ചിന് പെണ്‍കുട്ടിയെ കാണാനില്ലെന്നു കാട്ടി അമ്മ പോലീസില്‍ പരാതി നല്‍കിയിരുന്നു. അന്വേഷണത്തില്‍ ഓയൂരില്‍ യുവാവിന്‍റെ വീട്ടില്‍ നിന്നു പെണ്‍കുട്ടിയെ കണ്ടെത്തി. പെണ്‍കുട്ടിക്ക് പ്രായപൂര്‍ത്തിയായിരുന്നില്ല,

അതിനാല്‍ യുവാവിനെതിരെ പോക്‌സോ കേസ് ചുമത്തുകയും കോടതി റിമാന്‍ഡ് ചെയ്യുകയും ചെയ്തു. ശാരീരിക പരിശോധനയ്ക്കു ശേഷം പെണ്‍കുട്ടിയെ അമ്മയ്‌ക്കൊപ്പം വിട്ടു.

ഇന്ന് ബന്ധുവീട്ടിലെത്തിയ പെണ്‍കുട്ടിയെ കുറച്ചു സമയത്തിനുശേഷം കാണാതാകുകയായിരുന്നു. പിന്നാലെ സമീപമുള്ള വനത്തില്‍ തൂങ്ങി മരിച്ച നിലയില്‍  കണ്ടെത്തുകയായിരുന്നു.