ആലപ്പുഴ ജില്ലയിലെ പത്തോളം വീടുകളിൽ ജി.എസ്.റ്റി. പരിശോധന: 6.87 കോടി രൂപയുടെ നികുതി വെട്ടിപ്പ് കണ്ടെത്തി

ആലപ്പുഴ: സ്‌റ്റേറ്റ് ജി.എസ്.ടി ഡിപ്പാര്‍ട്ടമെന്റിന്റെ കോട്ടയം ഇന്റലിജന്‍സ് യൂണിറ്റ് നികുതി വെട്ടിപ്പുമായി ബന്ധപ്പെട്ട് ആലപ്പുഴ ജില്ലയിലെ കായംകുളം, മണ്ണഞ്ചേരി എന്നീ പ്രദേശങ്ങളിലെ പത്തോളം വീടുകളില്‍ പരിശോധന നടത്തി.

30.70 കോടി രൂപയുടെ ചരക്കുകളുടെ വ്യാജബില്ല് ചമച്ചു 6.87 കോടിയോളം രൂപയുടെ നികുതി വെട്ടിച്ചത് കണ്ടെത്തി. ന്യൂ മൈസൂര്‍ സ്റ്റീല്‍സ് എന്ന സ്ഥാപനത്തിന്റെ മറവിലാണ് നികുതി വെട്ടിപ്പ് നടത്തിയിരുന്നത്.

ഈ സ്ഥാപനത്തിന്റെ ഉടമയായ നസീബിനെ പോലീസ് അറസ്റ്റു ചെയ്തു. കോട്ടയം ഇന്റലിജന്‍സ് യൂണിറ്റ് കഴിഞ്ഞ ആറു മാസത്തിനിടയില്‍ നടത്തിയ മൂന്നാമത്തെ അറസ്റ്റാണിത്.