Advertisment

പോലീസ് സ്റ്റേഷനിൽ പരാതിക്കാര്യം സംസാരിക്കവെ  യുവാവ് പോലീസ് ഇന്‍സ്‌പെക്ടറെയും യുവതിയെയും ആക്രമിച്ചു

author-image
neenu thodupuzha
Updated On
New Update

കണ്ണൂര്‍: കണ്ണൂര്‍ ടൗണ്‍ സ്‌റ്റേഷനില്‍ പരാതിക്കാര്യം സംസാരിക്കവെ  യുവാവ് പോലീസ് ഇന്‍സ്‌പെക്ടര്‍ ബിനുമോഹനെയും യുവതിയെയും കൈയ്യേറ്റം ചെയ്തതായി പരാതി. പരിക്കേറ്റ ബിനുമോഹന്‍ ജില്ലാ ആശുപത്രിയില്‍ ചികിത്സ തേടി.

Advertisment

publive-image

സംഭവത്തില്‍ കണ്ണൂര്‍ ബാങ്ക് റോഡില്‍ വി.കെ. ആര്‍ ഡ്രഗ് ലൈസന്‍സെന്ന സ്ഥാപനം നടത്തുന്ന പള്ളിക്കുന്ന് പന്നേന്‍പാറ ഓര്‍ക്കിഡില്‍ ഷരീഫിനെ(42) പോലീസ് അറസ്റ്റു ചെയ്തു. വ്യാഴാഴ്ച്ച വൈകുന്നേരമാണ് അഞ്ചിനാണ് സംഭവം.

കാണിച്ചേരി സ്വദേശിനിയായ യുവതിയുടെ പരാതി  അന്വേഷിക്കാന്‍ എതിര്‍കക്ഷിയായ ഷരീഫിനെ സ്‌റ്റേഷനിലേക്ക് വിളിക്കുകയും  സംസാരിക്കുന്നതിനിടെ ഇയാള്‍ പരാതിക്കാരിയെ കൈയ്യേറ്റം ചെയ്യാന്‍ ശ്രമിക്കുകയുമായിരുന്നു.

ഇതു തടയുന്നതിനിടെ പോലീസ് ഇന്‍സ്‌പെക്ടര്‍ ബിനുമോഹനെയും ഷെരീഫ് ആക്രമിച്ചു. സിഐയ്ക്കു കൈകൊണ്ടാണ് മര്‍ദ്ദനമേറ്റത്. അക്രമാസക്തനായ പ്രതിയെ സ്‌റ്റേഷനിലുണ്ടായിരുന്ന മറ്റു പോലീസുകാര്‍ ബലം പ്രയോഗിച്ചു അറസ്റ്റു ചെയ്യുകയായിരുന്നു.

പോലിസിന്‍റെ ഔദ്യോഗിക കൃത്യനിര്‍വഹണം  തടസപ്പെടുത്തിയതിനു  പ്രതിക്കെതിരെ കേസെടുത്ത് കോടതിയില്‍ ഹാജരാക്കി റിമാന്‍ഡ് ചെയ്തു.

Advertisment