അംഗമാലിയിൽ നിർമ്മാണത്തിലിരുന്ന വീടിന്റെ സ്ലാബുകൾ ഇടിഞ്ഞു വീണു;  രണ്ടു മരണം, മൂന്നു പേർക്ക് പരിക്ക്, ഒരാളുടെ നില ഗുരുതരം

അങ്കമാലി:  നിർമ്മാണം നടക്കുന്ന കെട്ടിടത്തിൻ്റെ സ്ലാബുകൾ ഇടിഞ്ഞുവീണു രണ്ടു മരണം. മൂന്ന് പേർക്ക് പരിക്കേറ്റു. ഇതിൽ ഒരാളുടെ നില ഗുരുതരമാണ്.

പശ്ചിമ ബംഗാൾ സ്വദേശി അലി ഹസൻ (30), മലയാളിയായ ജോണി അന്തോണി (52) എന്നിവരാണ് മരിച്ചത്. അങ്കമാലി കറുകുറ്റിയിലാണ് സംഭവം.

കറുകുറ്റി ഫൊറോന പള്ളിയ്ക്ക് പിറകിൽ നിർമ്മാണത്തിലിരുന്ന ഇരുനില വീടിൻ്റെ സ്ലാബുകൾ തകർന്നു വീണാണ് അപകടം സംഭവിച്ചത്.