മകളുടെ വിവാഹത്തിന് വായ്പയെടുത്തു; തിരിച്ചടവ് മുടങ്ങിയപ്പോള്‍ ബാങ്ക് ജീവനക്കാരന്റെ ഭീഷണി, കയര്‍ ഫാക്ടറി തൊഴിലാളി തൂങ്ങി മരിച്ചു

മാരാരിക്കുളം: കയര്‍ ഫാക്ടറി തൊഴിലാളി ആത്മഹത്യ ചെയ്തു. കഞ്ഞിക്കുഴി ഗ്രാമ പഞ്ചായത്ത് 15 -ാം വാര്‍ഡില്‍ കുഞ്ഞാറുവെളി ശശി (54) യാണ് മരിച്ചത്.

ഇന്നലെ  വീടിന് സമീപം തൂങ്ങി മരിച്ച നിലയില്‍ കാണപ്പെടുകയായിരുന്നു. മകളുടെ വിവാഹത്തിന് ശശി അഞ്ച് ലക്ഷം രൂപ വായ്പ എടുത്തിരുന്നു. തൊഴിലില്ലാത്തതിനാൽ മൂന്ന് മാസമായി വായ്പ തിരിച്ചടച്ചിരുന്നില്ല.

വെള്ളിയാഴ്ച ബാങ്കില്‍ നിന്ന് ഉദ്യോഗസ്ഥനെത്തി ശശിയെ ഭീഷണിപ്പെടുത്തിയെന്ന് ബന്ധുക്കള്‍ പരാതി പറഞ്ഞു.  മാരാരിക്കുളം പോലീസ് കേസ് എടുത്തു. ഭാര്യ: മോളി. മക്കള്‍: അഞ്ജലി, ആര്യ. മരുമക്കള്‍: അഖില്‍, അജിത്ത്.