കുവൈറ്റില്‍ ഡ്രൈവിങ് ലൈസന്‍സിന് ബിരുദം നിര്‍ബന്ധമാക്കാന്‍ നീക്കം

കുവൈറ്റ്: കുവൈറ്റില്‍ 600 ദിനാറില്‍ (1,60,667 രൂപ) താഴെ വരുമാനമുള്ളവരും സര്‍വകലാശാല ബിരുദം ഇല്ലാത്തവരുമായ പ്രവാസികളുടെ ഡ്രൈവിങ് ലൈസന്‍സ് പിന്‍വലിക്കാന്‍ നീക്കം.

ഇതിനായി ഒന്നാം ഉപ പ്രധാന മന്ത്രിയും ആഭ്യന്തര മന്ത്രിയുമായ ഷെയ്ഖ് തലാല്‍ അല്‍ ഖാലിദ് സമിതി രൂപീകരിച്ചതായി പ്രാദേശിക പത്രം അല്‍ജാരിദ റിപ്പോര്‍ട്ട് ചെയ്തു. ഈ തീരുമാനം നടപ്പായാല്‍ ഏതാണ്ട് മൂന്നു ലക്ഷം പ്രവാസികളെ ഇതു ബാധിക്കും.

വിവേചനപരമായ തീരുമാനങ്ങളിലൂടെയല്ല, റോഡ് ഗതാഗത സംവിധാനങ്ങള്‍ മെച്ചപ്പെടുത്തിയാണ് ഗതാഗത പ്രതിസന്ധി പരിഹരിക്കേണ്ടതെന്ന വാദം രാജ്യത്ത് ശക്തമാണ്.