വീട്ടുകാര്‍ പള്ളിയില്‍ പോയ നേരത്ത് വീടിന്റെ പൂട്ടു പൊളിച്ച് 40 പവനും പണവും കവര്‍ന്നു

കോവളം: പുല്ലുവിള കിളിത്തട്ട് വിളാകത്തെ വീട് കുത്തിത്തുറന്ന് 40 പവനും പതിനായിരം രൂപയും മോഷ്ടിച്ചു. വെള്ളിയാഴ്ച തദേയൂസ് എന്നയാളുടെ വീട്ടിലാണ് മോഷണം നടന്നത്. ദുഃഖവെള്ളി ആചരണത്തില്‍ പങ്കെടുക്കാന്‍ വീട്ടുകാര്‍ പള്ളിയില്‍ പോയ സമയത്തായിരുന്നു മോഷണം.

വീടിന്റെ പൂട്ടു പൊളിച്ച് അകത്തു കടന്ന മോഷ്ടാവ് അലമാരയ്ക്കുള്ളില്‍ സൂക്ഷിച്ചിരുന്ന സ്വര്‍ണവും പണവുമാണ് കവര്‍ന്നത്. പോലീസ് നായ സ്ഥലത്തെത്തി. വിരലടയാള വിദഗ്ധരും തെളിവ് ശേഖരിച്ചു.