/sathyam/media/agency_attachments/5VspLzgrB7PML1PH6Ix6.png)
Follow Usനെടുങ്കണ്ടം: രാത്രി പെട്രോളിങിനിടയില്‍ മോഷണമുതലുമായി എത്തിയ രണ്ട് യുവാക്കളെ നെടുങ്കണ്ടം പോലീസ് പിടികൂടി. പ്രധാന പ്രതിയെന്ന് സംശയിക്കുന്ന മൂന്നുപേരില്‍ ഒരാള്‍ ഓടി രക്ഷപ്പെട്ടു.
വാഴവര വിശ്വമാതാ ഗുരുകുലാശ്രമത്തില്‍ നിന്നും മോഷ്ടിച്ച സാധനങ്ങളുമായി വരുന്നവഴിയ്ക്കാണ് സംശാസ്പദമായ സാഹചര്യത്തില്‍ നെടുങ്കണ്ടം ടൗണില്‍ കണ്ട രാജക്കാട് പഴയവിടുതി മമ്മട്ടിക്കാനം സ്വദേശികളായ പുത്തന്‍പറമ്പില്‍ ജിന്‍സ് (19), വെട്ടിയാങ്കല്‍ വീട്ടില്‍ ജോയിസ് (22) എന്നിവരെ നെടുങ്കണ്ടം എസ്.ഐ ടി.എസ്. ജയകൃഷ്ണന്റെ നേത്യത്വത്തില്‍ പ്രതികളെ പിടികൂടുന്നത്.
/sathyam/media/post_attachments/K23CDBSmiUAaQpCYBqGW.jpeg "publive-image")
ചൊവ്വാഴ്ച പുലര്‍ച്ചെ നാലിനാണ് സംഭവം. നെടുങ്കണ്ടം എസ്.ഐയുടെ നേത്യത്വത്തില്‍ രാത്രികാല പെട്രോളിങ്ങിന്റെ ഭാഗമായി ചൊവ്വാഴ്ച പുലര്‍ച്ചെ നാലോടെ നെടുങ്കണ്ടം പടിഞ്ഞാറെക്കവലയില്‍ രണ്ട് യുവാക്കള്‍ ബൈക്കിന് സമീപം നില്‍ക്കുന്നത് കണ്ടു.
മറ്റൊരു വ്യക്തി സമീപത്തെ കടയുടെ മറവിലേക്ക് മാറുന്നതായും കണ്ട എസ്.ഐയും കൂട്ടരും വാഹനം നിര്‍ത്തി വിവരങ്ങള്‍ ചോദിക്കാന്‍ എത്തിയതോടെ ബൈക്കുമായി ജിന്‍സ് മുന്നോട്ടുപോയി. സംശയം തോന്നിയതോടെ ജോയിസിനോട് ഈ സമയത്ത് ഇവിടെ നില്‍ക്കാനുള്ള കാരണം ചോദിച്ചറിഞ്ഞു. ഞങ്ങള്‍ രണ്ടുപേരെയുള്ളെന്നും മദ്യം കഴിച്ചതിനാലാണ് കൂടെയുള്ളയാള്‍ വണ്ടിയെടുത്ത് പോയതെന്ന് ജോയിസ് പറഞ്ഞു.
സമീപത്തായി സ്‌കൂട്ടിയില്‍ ഇരുന്ന ചാക്ക് കെട്ട് അഴിച്ച് നോക്കിയപ്പോള്‍ അമ്പലത്തിലെ വിളക്കുകളും മറ്റും കണ്ടെത്തുകയായിരുന്നു. തുടര്‍ന്ന് പൊലീസ് മേഖലയിലെ ഓട്ടോറിക്ഷാ ഡ്രൈവര്‍മാര്‍, കടക്കാര്‍ എന്നിവരെ വിളിച്ച് വിവരങ്ങള്‍ ധരിപ്പിക്കുകയും തുടര്‍ന്ന് നടത്തിയ തിരിച്ചലില്‍ രക്ഷപ്പെടാന്‍ ശ്രമിച്ച ജിന്‍സിനെ പോലീസ് പിടികൂടുകയായിരുന്നു.
ജീന്‍സ്, ജോയിസ് എന്നിവരുടെ സുഹൃത്തായ ബിനുവിന്റെ നേത്യത്വത്തിലാണ് വാഴവരയിലെ വിശ്വമാതാ ഗുരുകുലാശ്രമത്തില്‍ മോഷണം നടത്തുന്നത്. ബിനുവിന്റെ സുഹൃത്ത് വഴി വളരെക്കാലമായി അടഞ്ഞു കിടക്കുന്ന ആശ്രമത്തെ കുറിച്ച് അറിയുന്നത്.
എസ്.ഐ സജീവ്, എസ്.സി.പി.ഒ സുനില്‍ മാത്യു, സി.പി.ഒമാരായ അജീഷ് അലിയാര്‍, ദീപു, ഹോം ഗാര്‍ഡ് സുഗതന്‍ എന്നിവര്‍ അന്വേഷണത്തിനുണ്ടായിരുന്നു.