/sathyam/media/agency_attachments/5VspLzgrB7PML1PH6Ix6.png)
Follow Usമല്ലപ്പള്ളി: നാടു മുഴുവന്‍ നടന്ന് പണം കടം വാങ്ങി മൊെബെല്‍ ഫോണും ഓഫ് ചെയ്ത് മുങ്ങിയ യുവാവിനെ ഒരു വര്‍ഷത്തിന് ശേഷം പോലീസ് ഗുജറാത്തില്‍ നിന്ന് കണ്ടെത്തി.
കോട്ടാങ്ങല്‍ പാടിമണ്‍ കോലമല വീട്ടില്‍ സാജന്‍ തോമസി(38)നെയാണ് പെരുമ്പെട്ടി പോലീസ് ഗുജറാത്ത്-രാജസ്ഥാന്‍ അതിര്‍ത്തിയായ രാധന്‍പൂരില്‍ കണ്ടെത്തി നാട്ടിലെത്തിച്ചത്. നാട്ടില്‍ നിരവധിയാളുകളില്‍ നിന്നും പണം കടം വാങ്ങുകയും തിരികെ നല്‍കാതെ ഒളിവില്‍ പോകുകയുമായിരുന്നു.
/sathyam/media/post_attachments/XI7zkRbU6QqbYgWCb7sw.jpg "publive-image")
വീട്ടുകാര്‍ ഇയാളെ കാണാതായതായി പെരുമ്പെട്ടി പോലീസില്‍ പരാതി നല്‍കിയിരുന്നു. പോലീസ് അന്വേഷണത്തില്‍ യുവാവ് സംസ്ഥാനം വിട്ടതായി സ്ഥിരീകരിച്ചു. മൊെബെല്‍ ഫോണ്‍ ഉപയോഗിക്കാത്തതിനാല്‍ ഇയാളെക്കുറിച്ച് യാതൊരു വിവരവും ലഭിച്ചിരുന്നില്ല.
വര്‍ഷങ്ങള്‍ക്ക് മുമ്പ് ഗുജറാത്തില്‍ ജോലി ചെയ്തിരുന്നുവെന്ന വിവരം ലഭിച്ചതിനെത്തുടര്‍ന്ന് ജില്ലാ പോലീസ് മേധാവി മുഖേന അവിടുത്തെ പോലീസുമായി ബന്ധപ്പെടുകയും രാധന്‍ പൂരില്‍ കണ്ടെത്തുകയുമായിരുന്നു. യുവാവ് ഇവിടെയുണ്ടെന്ന വിവരം ലഭിച്ചതിന്റെ അടിസ്ഥാനത്തില്‍ പോലിസ് ഇന്‍സ്‌പെക്ടര്‍ എം.ആര്‍. സുരേഷിന്റെ നിര്‍ദ്ദേശാനുസരണം എസ്.ഐ. സുമേഷ്, സി.പി.ഓമാരായ അജീഷ് കുമാര്‍, സുനില്‍ കുമാര്‍ എന്നിവരുടെ സംഘമാണ് രാധന്‍പൂരിലെത്തി പിടികൂടി.
ഇയാളെ പിടികൂടിയതറിഞ്ഞ് പണം തിരികെ കിട്ടാത്തവരുടെ പരാതികള്‍ പെരുമ്പെട്ടി പോലീസ് സ്‌റ്റേഷനില്‍ ലഭിക്കുന്നുണ്ട്. പരാതികളില്‍ തുടര്‍ നടപടിയുണ്ടാകുമെന്ന് പോലീസ് പറഞ്ഞു. പണം കടം വാങ്ങിയത് സുഹൃത്തിനു വേണ്ടിയാണെന്നും അയാള്‍ക്ക് ന ൽകിയെന്നും സുഹൃത്തുമായിപങ്കു കച്ചവടം നടത്തിയിരുന്നെന്നും സാജന്‍ തോമസ് പറഞ്ഞു. യുവാവിനെ കോടതിയില്‍ ഹാജരാക്കി.