വെളുത്ത ഷൂവില്‍ കറയും ചെളിയുമാണോ? എളുപ്പത്തില്‍ വൃത്തിയാക്കാം..

വെള്ള നിറത്തിലുള്ള ഷൂ ധരിക്കുന്നത് ഇപ്പോള്‍ ട്രെന്റിംഗാണ്. എന്നാല്‍, വസ്ത്രങ്ങളുടെ കൂടെ വൈറ്റ് ഷൂ ധരിക്കുമ്പോള്‍ അത് ഭംഗിയാണെങ്കിലും അതുപോലെ വൃത്തിയില്‍ കൊണ്ടുനടക്കുകയെന്നത് ഒരു കടമ്പതന്നെയാണ്. വെള്ള ഷൂവില്‍ പറ്റുന്ന കറകള്‍ ഒരുപരിധിവരെ ഇല്ലാതാക്കാന്‍ ചില മാര്‍ഗങ്ങളിലൂടെ കഴിയും.

ഇതിനായി അത്യാവശ്യമായി വേണ്ട സാധനമാണ് ബേക്കിംഗ് സോഡ. ആദ്യം തന്നെ ഷൂവിന്റെ ലേയ്സ് അഴിച്ച് മാറ്റി വയ്ക്കുക. എന്നാല്‍, മാത്രമാണ് വളരെ എളുപ്പത്തില്‍ നല്ലരീതിയില്‍ എല്ലാ ഭാഗത്തേയും അഴുക്കള്‍ കളയാന്‍ സാധിക്കൂ. ടൂത്ത് ബ്രഷ് എടുക്കുമ്പോള്‍ അതിന്റെ നാരുകള്‍ വളരെ സോഫ്റ്റാണെന്ന് ഉറപ്പ് വരുത്തേണ്ടത് അനിവാര്യമാണ്.

ബേക്കിംഗ് സോഡയും വൈറ്റ് വിനഗറും മിക്സ് ചെയ്യണം. മിക്സ് ചെയ്ത് പേയ്സ്റ്റ് പരുവത്തിലാക്കണം. പിന്നീട് ടൂത്ത് പേയ്സ്റ്റ് ബ്രഷ് ഇതില്‍ മുക്കി ഷൂവിന്റെ എല്ലാഭാഗത്തേയ്ക്കുമാക്കി ഉരയ്ക്കുക. എല്ലാഭാഗത്തേക്കും നല്ല കട്ടിയില്‍ ഈ മിശ്രിതം തേച്ചുപിടിപ്പിക്കേണ്ടത് അനിവാര്യമാണ്. അതിനുശേഷം ഒരു നല്ല സോഫ്റ്റ് തുണി ഉപയോഗിച്ച് ഇത് തുടച്ചുകളയാം, കഴുകരുത്.

അതുപോലെ സാധാരണ വെള്ളത്തില്‍ ഒരു സ്പോഞ്ച് മുക്കി അതുകൊണ്ട് ചെരുപ്പിന്റെ ഉള്‍ഭാഗത്തെ ചെളിയും നീക്കം ചെയ്യാം. റബ്ബര്‍ ടെക്സ്ച്വറാണ് ചെരുപ്പിനെങ്കില്‍ പെട്ടെന്ന് അഴുക്ക് പോയികിട്ടും.

ഷൂ ലേയ്സ് അഴിച്ചുവച്ചതിനുശേഷം ഉണങ്ങിയ ഒരു ബ്രഷ് എടുക്കുക. ഒരു പാത്രത്തിലേക്ക് കുറച്ച് സോപ്പ് ലിക്വിഡ് ഒഴിച്ച് അതിലേക്ക് കുറച്ച് ചൂടുവെള്ളവും ചേര്‍ക്കണം. ഈ മിശ്രിതത്തിലേക്ക് ബ്രഷ് മുക്കി ഷൂവിന്റെ എല്ലാ ഭാഗത്തേക്കും മിശ്രിതം തേച്ച് നന്നായി ഉരയ്ക്കാം. ചെളി പോകാന്‍ ഇത് സഹായിക്കും.

ചെറുചൂടുവെള്ളത്തില്‍ കുറച്ച് സോപ്പും പൊടി ചേര്‍ത്ത് അതിലേക്ക് ബ്രഷ് മുക്കി സോഫ്റ്റ് മെറ്റീരിയലുള്ള ഷൂസ് വൃത്തിയാക്കാം. ഇത് നന്നായി റബ് ചെയ്തതിനുശേഷം സ്പോഞ്ച് ഉപയോഗിച്ചോ, നല്ല തുണിയോ പേപ്പറോ ഉപയോഗിച്ച് ഇത് വൃത്തിയാക്കിയെടുക്കാം. ഷൂസ് വെള്ളത്തില്‍ ചെളി കുതിര്‍ന്നുപോകാനായി കുറേ നേരം മുക്കി വയ്ക്കാതിരിക്കുക. പൊതുവില്‍ മിക്കവരും ചെയ്യുന്നൊരു തെറ്റാണിത്. ഇത് ഷൂ വേഗത്തില്‍ കേടാകാനും ഈര്‍പ്പം നിലനിന്ന് ദുര്‍ഗന്ധമുണ്ടാകാനും കാരണമാകുന്നു.

പരമാവധി ചെളിയാകാതെ സൂക്ഷിക്കുക എന്നതുതന്നെയാണ് ഏറ്റവും നല്ലമാര്‍ഗം. ചെളിയായാല്‍ പലപ്പോഴും വൃത്തിയാക്കിയാലും അത് വേണ്ടവിധത്തില്‍ വൃത്തിയായി കിട്ടണമെന്നും ഇല്ല. അതുപോലെ മഴക്കാലത്ത് വെള്ളനിറത്തിലുള്ള ചെരുപ്പുകള്‍ ഒഴിവാക്കാം. മഴക്കാലത്ത് ഇത്തരത്തില്‍ വെള്ള നിറത്തിലുള്ള ഷൂസ് ഉപയോഗിക്കുന്നത് വേഗത്തില്‍ ഷൂസ് കേടാകുന്നതിലേക്കും. അതുപോലെ, അഴുക്ക് പിടിക്കുന്നതിലേക്കും കാരണമാകുന്നുണ്ട്.

പുറത്തേക്ക് വെള്ള ഷൂസ് ഇട്ടാല്‍, തിരിച്ച് വീട്ടില്‍ എത്തുമ്പോള്‍ നന്നായി തുടച്ച് എടുത്ത് വയ്ക്കാം. വില കൂടിയ ചെരുപ്പുകളാണെങ്കില്‍ കറയൊന്നുമാകാതെ ശ്രദ്ധിക്കണം. എന്നും അടച്ച് പൂട്ടി വയ്ക്കാതെ നല്ലപോലെ വായുസഞ്ചാരം ഉള്ളിടത്ത് ഷൂ അഴിച്ചുവയ്ക്കണം.

ഇത് ഇതിലെ ഈര്‍പ്പം ഇല്ലാതാക്കാനും അതുപോലെ ദുര്‍ഗന്ധം ഇല്ലാതാക്കാനും സഹായിക്കും. ദിവസവും വെള്ളം ഉപയോഗിച്ച് കഴുകുന്നതും നല്ലതല്ല. ഇത് ഷൂ വേഗത്തില്‍ കേടാകാനും അതുപോലെ നിറം കെടുത്താനും മെറ്റീരിയല്‍ നശിക്കാനും കാരണമാകും.