നട്ടു വളർത്തിയിട്ട് നാലുമാസം, ഒന്നര മീറ്ററോളം നീളം;  ചെടിച്ചട്ടിയില്‍ കഞ്ചാവു ചെടി വളര്‍ത്തിയ യുവാവ് അറസ്റ്റില്‍

മാന്നാര്‍: വീട്ടുപരിസരത്ത് കഞ്ചാവ്‌ചെടി വളര്‍ത്തിയ യുവാവിനെ അറസ്റ്റ് ചെയ്തു. കുട്ടംപേരൂര്‍ കൊട്ടാരത്തില്‍ പുഴ കിഴക്കേതില്‍ പ്രശാന്തി(31)നെയാണ് അറസ്റ്റ് ചെയ്തത്.

നാലുമാസമായി ഇയാള്‍ വീടിന്റെ പിന്‍വശത്ത് ചെടിച്ചട്ടിയില്‍ കഞ്ചാവ് വളര്‍ത്തി പരിപാലിച്ചുവരികയായിരുന്നു. ഒന്നര മീറ്ററോളം നീളത്തില്‍ കഞ്ചാവ് ചെടി വളര്‍ന്നു.

ജില്ലാ പോലീസ് മേധാവി ചൈത്രാ തെരേസാ ജോണിന്റെ നിര്‍ദേശപ്രകാരം എസ്.എച്ച്.ഒ: ജോസ് മാത്യുവിന്റെ നേതൃത്വത്തില്‍ എസ്.ഐമാരായ അഭിരാം.സി.എസ്, ശ്രീകുമാര്‍, സുരേഷ്, അഡീ.എസ്.ഐമാരായ മധുസൂദനന്‍, ബിന്ദു, സി.പി.ഒമാരായ സാജിദ്, സിദ്ധിക്കുല്‍ അക്ബര്‍, ഹരിപ്രസാദ്, വനിതാ സി.പി.ഒ: ഗിരിജ, ജില്ലാ ഡാന്‍സാഫ് ടീം എന്നിവരുടെ  നേതൃത്വത്തിലായിരുന്നു പരിശോധന.