/sathyam/media/agency_attachments/5VspLzgrB7PML1PH6Ix6.png)
Follow Usഅരൂര്‍: അരൂരില്‍ റിസോര്‍ട്ടില്‍ കല്യാണ പാര്‍ട്ടിയോടനുബന്ധിച്ച് നടന്ന മയക്കുമരുന്ന് പാര്‍ട്ടിയില്‍ മയക്ക് മരുന്ന് കൊണ്ടുവന്ന എറണാകുളം സ്വദേശി അറസ്റ്റില്‍.
മരട് കൂടാരപ്പള്ളി ഷാരോണി (27) നെയാണ് ആലപ്പുഴ ജില്ലാ ലഹരി വിരുദ്ധ സ്‌ക്വാഡും അരൂര്‍ പോലീസും ചേര്‍ന്ന് പിടികൂടിയത്.
/sathyam/media/post_attachments/ZLu3FDc3LGY0CFtb3eNV.png "publive-image")
പ്രതിയിൽ നിന്ന് സിന്തറ്റിക് ഡ്രഗ് ഇനത്തില്‍പ്പെട്ട മയക്കുമരുന്നായ മെഥിലിന്‍ ഡയോക്‌സി മെത്ത് ആംഫിറ്റമിന്‍ പിടികൂടി.
പാര്‍ട്ടി നടന്ന സമയത്ത് നിരവധിപേര്‍ ഇവിടെ വന്നുപോയിരുന്നു. അവരെല്ലാം ലഹരി ഉപയോഗിച്ചതായി പോലീസ് സംശയിക്കുന്നു.
ജില്ലാ പോലീസ് മേധാവിക്ക് റിസോര്‍ട്ട് കേന്ദ്രീകരിച്ച് മയക്കുമരുന്ന് ഉപയോഗം നടക്കുന്നുവെന്ന് കിട്ടിയ രഹസ്യവിവരത്തിന്റെ അടിസ്ഥാനത്തില്‍ ആലപ്പുഴ നര്‍ക്കോട്ടിക് സെല്‍ ഡിവൈ.എസ്.പി അശോക് കുമാറിന്റെ നേതൃത്വത്തിലുള്ള ഡാന്‍സാഫ് ടീമും അരൂര്‍ ഇന്‍സ്‌പെക്ടര്‍ പി.എസ്. സുബ്രഹ്മണ്യന്റെ നേതൃത്വത്തിലുള്ള പോലീസും ചേര്‍ന്നു നടത്തിയ പരിശോധനയിലാണ് എം.ഡി.എം.എ. കണ്ടെത്തിയത്. പ്രതിയെ ചേര്‍ത്തല കോടതിയില്‍ ഹാജറാക്കി റിമാന്റ് ചെയ്തു.