ആതിരപ്പള്ളിയിൽ സഞ്ചാരികളുടെ കാറിനു നേരെ കാട്ടാനയുടെ ആക്രമണം

ആതിരപ്പള്ളി: വിനോദസഞ്ചാരികളുടെ കാറിന് നേരെ കാട്ടാനയുടെ ആക്രമണം. ആനമല റോഡിൽ ആനക്കയം മേഖലയിലാണ് സംഭവം.  സഞ്ചാരികൾ രക്ഷപ്പെട്ടത് അത്ഭുതകരമായി. തിങ്കളാഴ്ച്ച വൈകിട്ട്  ആറരയ്ക്കാണ് സംഭവം.

റോഡരികിൽനിന്ന കാട്ടാന കാറിന് നേരെ പാഞ്ഞു വന്നു കാറിന്റെ ബോണറ്റിൽ ഇടിക്കുകയായിരുന്നു. സഞ്ചാരികൾ ഉടൻ തന്നെ കാർ പുറകോട്ടു എടുത്തു. എറണാകുളം സ്വദേശികളുടെ കാറാണ് ആന ആക്രമിച്ചത്. വാൽപ്പാറയിൽ നിന്ന് മലക്കപ്പാറ വഴി എറണാകുളത്തേക്ക് പോകുകയായിരുന്നു സഞ്ചാരികൾ.