ചാരവൃത്തിക്ക് ശാസ്ത്രജ്ഞന്‍  അറസ്റ്റില്‍

പുനെ: പ്രതിരോധ ഗവേഷണ വിഭാഗമായ ഡി.ആര്‍.ഡി.ഒയിലെ ശാസ്ത്രജ്ഞന്‍ ചാരവൃത്തിക്ക് അറസ്റ്റില്‍. പാക് ചാര സംഘടനയായ ഐ.എസ്.ഐയ്ക്ക് വിവരങ്ങള്‍ കൈമാറിയെന്നാരോപിച്ച് മഹാരാഷ്ട്ര എ.ടി.എസാണ് ഇയാളെ കസ്റ്റഡിയിലെടുത്തത്.

വാട്‌സാപ്, വീഡിയോ കോള്‍ എന്നിവ മുഖേന ഇയാള്‍ ഐ.എസ്.ഐ. ഏജന്റുമായി നിരന്തരം ബന്ധപ്പെട്ടിരുന്നതായി എ.ടി.എസ്. ഉദ്യോഗസ്ഥര്‍ അറിയിച്ചു. ഡി.ആര്‍.ഡി.ഒയില്‍ ഉന്നത പദവി വഹിച്ചിരുന്ന ഇയാളെ ബുധനാഴ്ചയാണ് കസ്റ്റഡിയിലെടുത്തത്.

രാജ്യത്തിന്റെ സുരക്ഷയെ തന്നെ ബാധിക്കാവുന്ന നിര്‍ണായക വിവരങ്ങളാണ് പ്രതി ശത്രുരാജ്യത്തിന് ചോര്‍ത്തിക്കൊടുത്തതെന്ന് എ.ടി.എസ്. വ്യക്തമാക്കി.