കുടിവെള്ള ജാറിൽ നായയുടെ തല കുടുങ്ങി; രക്ഷിക്കാനുള്ള നാട്ടുകാരുടെ ശ്രമവും വിഫലം

പൂച്ചാക്കൽ:  കുടിവെള്ള ജാറിൽ നായയുടെ തല കുടുങ്ങി. പാണാവള്ളി പഞ്ചായത്ത് പതിമൂന്നാം വാർഡിൽ ചിറ്റയിൽ പ്രദേശത്താണ് കുടിവെള്ള ജാർ തലയിൽ കുടുങ്ങിയ നിലയിൽ തെരുവ് നായയെ കാണപ്പെട്ടത്.

നായയെ രക്ഷിക്കാൻ നാട്ടുകാർ നടത്തിയ ശ്രമം വിജയിച്ചില്ല. ജാർ കുടുങ്ങിയതിനാൽ ഭക്ഷണവും വെള്ളവും കുടിക്കാൻ കഴിയാതെ നായ ബുദ്ധിമുട്ടിലാണ്. ഫയർഫോഴ്സിന്‍റെ സഹായത്തോടെ ജാർ ഊരി നായയെ രക്ഷിക്കാനുള്ള ശ്രമം നടത്തുമെന്ന് നാട്ടുകാർ പറഞ്ഞു.