രണ്ടാംഘട്ട നീന്തൽ പരിശീലനം ആരംഭിച്ചു

തൊടുപുഴ: ജില്ലാ അക്വാറ്റിക് അസോസിയേഷന്റെ ആഭിമുഖ്യത്തിൽ രണ്ടാംഘട്ട നീന്തൽ പരിശീലനം വണ്ടമറ്റം അക്യാറ്റിക് സെന്ററിൽ ആരംഭിച്ചു.

തൊടുപുഴ മുനിസിപ്പൽ ചെയർമാൻ സനീഷ് ജോർജ്ജ് പരിശീലന പരിപാടി ഉദ്ഘാടനം ചെയ്തു. വാർഡ് മെമ്പർ പോൾസൺ മാത്യു യോഗത്തിൽ അദ്ധ്യക്ഷനായിരുന്നു. ജില്ലാ ഒളിമ്പിക് അസോസിയേഷൻ സെക്രട്ടറി എം.എസ്. പവനൻ മുഖ്യപ്രഭാഷണം നടത്തി.

കേരള അക്വാറ്റിക് അസോസിയേഷൻ വൈസ് പ്രസിഡന്റ് ബേബി വർഗീസ്, ജില്ലാ അക്വാറ്റിക് അസോസിയേഷൻ പ്രസിഡന്റ് ജോയി ജോസഫ്, വൈസ് പ്രസിഡന്റ് പി.ജി. സനൽ കുമാർ, ജില്ലാ അക്വാറ്റിക് അസോസിയേഷൻ സെക്രട്ടറി അലൻ ബേബി, ത്രേസ്യാമ്മ ജോസഫ് തുടങ്ങിയവർ പ്രസംഗിച്ചു.

ഇതിനോടകം 250 കുട്ടികൾ ഒന്നാം ഘട്ട അവധിക്കാല നീന്തൽ പരിശീലനം പൂർത്തിയാക്കി.  പരിശീലനം മെയ് 31ന് സമാപിക്കും.