കോഴഞ്ചേരിയിൽ ബസും കാറും കൂട്ടിയിടിച്ച് കാർ യാത്രക്കാരായ നാലു പേര്‍ക്ക് പരിക്ക്

കോഴഞ്ചേരി: തെക്കേമല ട്രൈഫന്റ് ജങ്ഷനില്‍ ബസും കാറും കൂട്ടിയിടിച്ചുണ്ടായ അപകടത്തില്‍ നാലു കാര്‍ യാത്രികര്‍ക്ക് പരുക്ക്.

ഇന്നലെ വൈകിട്ട് അഞ്ചിന് പത്തനംതിട്ടയില്‍ നിന്ന് ചെങ്ങന്നൂരിന് പോവുകയായിരുന്ന സ്വകാര്യ ബസും പത്തനംതിട്ടയില്‍ വിവാഹത്തിൽ  പങ്കെടുക്കാന്‍ പോയ തിരുവനന്തപുരം സ്വദേശികളുടെ കാറും കൂട്ടിയിടിച്ചായിരുന്നു അപകടം.

കാറിലുണ്ടായിരുന്ന തിരുവനന്തപുരം പട്ടം സ്വദേശികളായ ബി.എസ്. പിള്ള, ജിഷ്ണു, നിവേദിത, പ്രിയ എന്നിവരെ നാട്ടുകാരുടെ സഹായത്തോടെ കോഴഞ്ചേരിയിലെ സ്വകാര്യ ആശുപത്രിയിലെത്തിച്ച് പ്രാഥമിക ചികിത്സ നല്‍കി.  അപകടത്തെത്തുടർന്ന്  ടി.കെ. റോഡില്‍ ഗതാഗതം തടസപ്പെട്ടു.