കാറും  ബൈക്കും  കൂട്ടിയിടിച്ച്  ബൈക്ക് തെറിച്ച് എതിരെ വന്ന  കാറിനു മുകളിൽ വീണ് ബൈക്ക് യാത്രികനു ദാരുണാന്ത്യം

പാലക്കാട്: കൂറ്റനാട് പള്ളിക്ക് സമീപം ബൈക്കും കാറും കൂട്ടിയിടിച്ച് ബൈക്ക് യാത്രികൻ മരിച്ചു. കൂറ്റനാട് പള്ളിക്ക് സമീപം താമസിക്കുന്ന മാളിയേക്കൽ അബൂബക്കറാ(62)ണ് മരിച്ചത്.

കൂറ്റനാട് പള്ളിക്ക് സമീപമുള്ള പമ്പിൽ നിന്ന് പെട്രോൾ അടിച്ച് റോഡിലേക്ക് കേറി വരികയായിരുന്ന കാറും അബൂബക്കർ സഞ്ചരിച്ച ബൈക്കും തമ്മിൽ കൂട്ടി ഇടിക്കുകയും ബൈക്ക് തെറിച്ച് എതിരെ വരികയായിരുന്ന  കാറിനു മുകളിൽ ഇടിക്കുകയുമായിരുന്നു. ഉടൻ  പെരുമ്പിലാവ് സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു.