മാവേലിക്കരയിൽ ജര്‍മനിയില്‍ ജോലി വാഗ്ദാനം ചെയ്ത് 13 ലക്ഷം  തട്ടിയെടുത്ത യുവതി പിടിയിൽ

മാവേലിക്കര: ജര്‍മനിയില്‍ ജോലി വാഗ്ദാനം നൽകി യുവതിയില്‍ നിന്നും 13 ലക്ഷം  തട്ടിയെടുത്ത കേസില്‍ യുവതി അറസ്റ്റിൽ. തെക്കേകര ചൂരല്ലൂര്‍ സ്വദേശിനിയില്‍ നിന്നും 13 ലക്ഷം രൂപ തട്ടിയെടുത്ത തൃശൂര്‍ അരുങ്ങോട്ടുകര  പൊന്നുവീട്ടില്‍ സരിത ഗോപി(34)യെയാണ്  കുറത്തികാട് പോലീസ് അറസ്റ്റ് ചെയ്തതത്.

കേസില്‍ കൂടുതല്‍ പ്രതികള്‍ ഉള്‍പ്പട്ടിട്ടുണ്ടോയെന്ന് അന്വേഷിക്കുമെന്ന് കുറത്തികാട് പോലീസ് അറിയിച്ചു.  സരിതയ്ക്കെതിരെ സമാന കുറ്റകൃത്യത്തിന് കരീലകുലങ്ങര പോലീസ് സ്‌റ്റേഷനിലും കേസ് രജിസ്റ്റര്‍ ചെയ്ത് അന്വേഷണം നടക്കവെയാണ്  പ്രതിയെ അറസ്റ്റ് ചെയ്തത്.