സാമ്പത്തിക ബാധ്യത; മലപ്പുറത്ത് സി.പി.എം. പ്രവർത്തകൻ എ.കെ.ജി.  സ്മാരക കേന്ദ്രത്തിനുള്ളിൽ മരിച്ച നിലയിൽ

മലപ്പുറം: സി.പി.എം. പ്രവർത്തകനെ പാർട്ടി നിയന്ത്രണത്തിലുള്ള സാംസ്കാരിക കേന്ദ്രത്തിൽ മരിച്ച നിലയിൽ കണ്ടെത്തി. സി.പി.എം. ചങ്ങരംകുളം ബ്രാഞ്ച് കമ്മിറ്റി അംഗമായ ചങ്ങരംകുളം ആലംകോട് സ്വദേശി പുലാക്കൂട്ടത്തിൽ കൃഷ്ണകുമാറാ (47)ണ് മരിച്ചത്.

സാമ്പത്തിക ബാധ്യതയെത്തുടർന്ന് കൃഷ്ണകുമാർ ജീവനൊടുക്കിയതെന്നാണ് സംശയം. സി.പി.എം. നിയന്ത്രണത്തിലുള്ള എ.കെ.ജി.  സാംസ്‌കാരിക കേന്ദ്രത്തിലാണ് ഇദ്ദേഹത്തെ മരിച്ച നിലയിൽ കണ്ടെത്തിയത്.  ചങ്ങരംകുളം കാർഷിക വികസന ബാങ്ക് താത്കാലിക ജീവനക്കാരനാണ് കൃഷ്ണകുമാർ.