അങ്ങാടിപ്പുറത്ത് വീട് കുത്തിത്തുറന്ന് വൻ കവർച്ച; 72 പവനും 12,000 രൂപയും അഞ്ച് വാച്ചുകളും മോഷ്ടിച്ചു

മലപ്പുറം: അങ്ങാടിപ്പുറത്ത് അടച്ചിട്ട വീട് കുത്തിത്തുറന്ന് വൻ കവർച്ച. 72 പവനും 12,000 രൂപയും അഞ്ച് വാച്ചുകളും മോഷ്ടിച്ചു. വീടിന്റെ പിന്നിലെ  വാതിൽ ചവിട്ടിപൊളിച്ചാണ് മോഷ്ടാവ് അകത്ത് കടന്നത്. അങ്ങാടിപ്പുറം പരിയാപുരം മില്ലുംപടിയിലെ പുതുപറമ്പിൽ സിബിയുടെ വീട്ടിലാണ്  മോഷണം നടന്നത്. സിബിയും കുടുംബവും എറണാകുളത്തേക്ക് പോയ സമയത്താണ് മോഷണം.

മോഷ്ടാവിന്റെ സി.സി.ടിവി ദൃശ്യങ്ങൾ പോലീസിന് ലഭിച്ചിട്ടുണ്ട്.  വീടിനകത്തെ  അലമാരകളെല്ലാം കുത്തിതുറന്ന് തുണികളെല്ലാം വാരിവലിച്ചിട്ട നിലയിലാണ്.  പെരിന്തൽമണ്ണ പൊലീസ്  അന്വേഷണം ആരംഭിച്ചു.