അട്ടപ്പാടി ചൂണ്ടകുളം ഊരിൽ നാലുമാസം പ്രായമുള്ള കുഞ്ഞ് മരിച്ചു

പാലക്കാട്: അട്ടപ്പാടിയിൽ വീണ്ടും ശിശുമരണം. ചൂണ്ടകുളം ഊരിലെ സജിത - വിനോദ് ഭവതികളുടെ നാലു മാസം പ്രായമുള്ള കുഞ്ഞാണ് മരിച്ചത്. ഇന്നലെ രാത്രി വീട്ടിൽ ഉറക്കി കിടത്തിയ കുഞ്ഞിന് ഇന്ന് രാവിലെ അനക്കമുണ്ടായിരുന്നില്ല.

അ​ഗളി സാമൂഹിക ആരോ​ഗ്യ കേന്ദ്രത്തിലെത്തിച്ചപ്പോൾ  മരണം സ്ഥിരീകരിക്കുകയായിരുന്നു. മുലപ്പാൽ കുരുങ്ങിയാണ് മരണമെന്നാണ് പ്രാഥമിക നിഗമനം. ഇന്നലെ രാത്രി ചുമയ്ക്കുള്ള മരുന്ന് കൊടുത്തിരുന്നു. അതിന്റെ ഫലമാണോ മരണത്തിന് കാരണമെന്നും അന്വേഷണം നടക്കുന്നുണ്ട്.