വർക്കല ഹെലിപ്പാട് ക്ലിഫ് കുന്നിൽനിന്ന് യുവാവ് 50 അടിയോളം താഴ്ചയിലേയ്ക്കു വീണു; ഗുരുതര പരിക്ക്

തിരുവനന്തപുരം: വർക്കല ഹെലിപ്പാടിന് സമീപത്തെ ക്ലിഫ് കുന്നിൽ നിന്ന് യുവാവ് താഴേക്ക് വീണു. തമിഴ്നാട് സ്വദേശി സതീഷാ(30)ണ് 50 അടിയോളം താഴ്ചയിലേയ്ക്ക്  വീണത്. സതീഷിന്റെ നട്ടെല്ലിനടക്കം ഗുരുതരമായി പരിക്കേറ്റു. ഇന്നലെ രാത്രി 12.30നായിരുന്നു അപകടം.

ഫയർഫോഴ്സും പോലീസും എത്തിയാണ് രക്ഷാപ്രവർത്തനം നടത്തിയത്. പിന്നീട് സതീഷിനെ ആശുപത്രിയിലേക്ക് മാറ്റി. ആദ്യം താലൂക്ക് ആശുപത്രിയിൽ പ്രവേശിപ്പിച്ച സതീഷിനെ പിന്നീട് തിരുവനന്തപുരം കിംസ് ആശുപത്രിയിലേക്ക് മാറ്റി.