ബിസ്‌ക്കറ്റ് വാങ്ങാനെത്തിയ  പത്തു വയസുകാരിയെ കടയ്ക്കുള്ളിൽ വിളിച്ചു കയറ്റി പീഡിപ്പിക്കാൻ ശ്രമം; 68കാരൻ പിടിയിൽ

കൊല്ലം: പത്തുവയസ്സുകാരിയായ  പെൺകുട്ടിയെ പീഡിപ്പിക്കാൻ ശ്രമിച്ച മധ്യവയസ്കൻ പിടിയിൽ. മടത്തറ സ്വദേശി ഗോപാലകൃഷ്ണ(68)നാണ്  പിടിയിലായത്.

ഇന്നലെ വൈകിട്ട്  ഗോപാലകൃഷ്ണൻ നടത്തിവന്നിരുന്ന കടയിൽ ബിസ്‌ക്കറ്റ് വാങ്ങാൻ എത്തിയ കുട്ടിയെ കടക്കുള്ളിലേക്ക് വിളിച്ചു കയറ്റി  ലൈംഗികമായി ഉപദ്രവിക്കുകയായിരുന്നു.

കുതറിയോടിയ പെൺകുട്ടി വീട്ടിലെത്തി മാതാപിതാക്കളോട് വിവരം പറഞ്ഞു. തുടർന്ന് മാതാപിതാക്കൾ ചിതറ പോലീസിൽ പരാതി നൽകി. കൊട്ടാരക്കര ഡിവൈഎസ്പി ജി.ഡി. വിജയകുമാറിന്റെ നിർദേശപ്രകാരം ചിതറ പോലീസ് നടത്തിയ അന്വേഷണത്തിൽ ഗോപാലകൃഷ്ണനെ മടത്തറയിൽ നിന്നും പിടികൂടി.

കുട്ടിയുടെ മൊഴി രേഖപ്പെടുത്തി എസ്.സി/എസ്ടി പോക്സോ അടക്കമുള്ള വകുപ്പുകൾ ചുമത്തി പ്രതിക്കെതിരെ കേസെടുത്തു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി  റിമാൻഡ് ചെയ്തു.