കെനിയില്‍ ട്രക്ക് ആള്‍ക്കൂട്ടത്തിലേക്ക്  ഇടിച്ചുകയറി 51 മരണം 

നെയ്‌റോബി: പടിഞ്ഞാറന്‍ കെനിയയിലുണ്ടായ വാഹനാപകടത്തില്‍ 51 പേര്‍ മരിച്ചു. 32 പേര്‍ക്ക് പരിക്കേറ്റു. തലസ്ഥാനമായ നെയ്‌റോബിയില്‍നിന്ന് ഏകദേശം 200 കിലോ മീറ്റര്‍ ദൂരത്തില്‍ റിഫ്റ്റ് വാലി പട്ടണമായ ലോണ്ടിയാനിക്ക് സമീപം നിയന്ത്രണംവിട്ട ട്രക്ക് നിരവധി വാഹനങ്ങളിലേക്കും പിന്നീട് ആള്‍ക്കൂട്ടത്തിനിടയിലേക്കും ഇടിച്ചു കയറുകയായിരുന്നു.

പ്രധാന ഹൈവേയില്‍നിന്ന് തെന്നി മാറിയ ട്രക്കാണ് അപകടത്തിന് കാരണമായത്. ചന്തയിലുണ്ടായിരുന്ന വ്യാപാരികളിലേക്കും കാല്‍നടയാത്രക്കാർക്കിടയിലേക്കുമാണ് ട്രക്ക് പാഞ്ഞു കയറിയത്. പരിക്കേറ്റവരെ ആശുപത്രിയില്‍ പ്രവശിപ്പിച്ചു.