കാഞ്ഞിരപ്പള്ളി: കോടതിയില്‍ ഹാജരാക്കാന്‍ കൊണ്ടുവന്ന പ്രതിക്ക് കഞ്ചാവ് നല്‍കാന്‍ ശ്രമിക്കുകയും തടയാന്‍ ശ്രമിച്ച പോലീസ് ഉദ്യോഗസ്ഥരെ ആക്രമിക്കുകയും ചെയ്ത കേസില്‍ രണ്ടുപേരെ പോലീസ് അറസ്റ്റ് ചെയ്തു.
കാഞ്ഞിരപ്പള്ളി കൂവപ്പള്ളി ആലംപരപ്പ് കോളനി ഭാഗത്ത് പുത്തന്‍ വിളയില്‍ വീട്ടില്‍ മനു മോഹന്‍ (33), ആര്‍പ്പൂക്കര വില്ലൂന്നി പാലത്തൂര്‍ വീട്ടില്‍ ടോണി തോമസ് (23) എന്നിവരെയാണു അറസ്റ്റു ചെയ്തത്.
/sathyam/media/post_attachments/cwuJ0EsQpLApX4rNpJJp.jpg "publive-image")
വിയ്യൂര്‍ സെന്‍ട്രല്‍ ജയിലില്‍ റിമാന്‍ഡില്‍ കഴിഞ്ഞു വന്നിരുന്ന മനുമോഹനെ കേസിന്റെ വിചാരണയ്ക്കായി കാഞ്ഞിരപ്പള്ളി കോടതിയില്‍ എത്തിച്ച സമയം വരാന്തയില്‍ വച്ച് ഇയാള്‍ക്കു കഞ്ചാവ് നല്‍കുവാന്‍ ടോണി തോമസ് ശ്രമിക്കുകയും ഇത് എസ്‌കോര്‍ട്ട് ഡ്യൂട്ടിയില്‍ ഉണ്ടായിരുന്ന പോലീസ് ഉദ്യോഗസ്ഥര്‍ തടയുകയുമായിരുന്നു.
ഇതിലുള്ള വിരോധം മൂലം മനുമോഹന്‍ പോലീസ് ഉദ്യോഗസ്ഥരെ ചീത്ത വിളിക്കുകയും ആക്രമിക്കുകയും യൂണിഫോം വലിച്ചുകീറുകയുമായിരുന്നു. കൂടാതെ കോടതി വരാന്തയില്‍ സ്ഥാപിച്ചിരുന്ന നോട്ടീസ് ബോര്‍ഡിന്റെ ഗ്ലാസ് തലകൊണ്ട് ഇടിച്ചു പൊട്ടിക്കുകയും ചെയ്തു.
തുടര്‍ന്നു പൊന്‍കുന്നം പോലീസ് സ്ഥലത്തെത്തി ഇരുവരെയും അറസ്റ്റു ചെയ്യുകയായിരുന്നു. പ്രതിയായ മനുമോഹനു കഞ്ചാവ് എത്തിച്ചു കൊടുക്കാന്‍ ശ്രമിച്ച കേസിലാണു ടോണി ടോമിസിനെ പോലീസ് അറസ്റ്റു ചെയ്തത്. ഇയാളില്‍ നിന്നും 32 ഗ്രാം കഞ്ചാവ് പോലീസ് പിടിച്ചെടുക്കുകയും ചെയ്തു.
പൊന്‍കുന്നം സ്‌റ്റേഷന്‍ എസ്.എച്ച്.ഒ രാജേഷ്.എന്‍, എസ്.ഐ പ്രദീപ് എം.എസ്, അജി പി. ഏലിയാസ്, നിസാര്‍, എ.എസ്.ഐ അജിത് കുമാര്‍, സി.പി.ഓ മാരായ കിരണ്‍ കര്‍ത്ത, പ്രിയ എന്നിവര്‍ ചേര്‍ന്നാണ് ഇവരെ അറസ്റ്റു ചെയ്തത്. ഇരുവരെയും കോടതി റിമാന്‍ഡ് ചെയ്തു.
Follow Us/sathyam/media/agency_attachments/5VspLzgrB7PML1PH6Ix6.png)
