‘പലരും മരിക്കും, പക്ഷെ ചിലര്‍ മരണശേഷവും ജീവിക്കുന്നു’; വൈറലായി വിവേകിന്റെ ട്വീറ്റ്

നടന്‍ വിവേകിന്റെ അപ്രതീക്ഷിത മരണത്തില്‍ ദുഖത്തില്‍ ആഴ്ന്നിരിക്കുകയാണ് സിനിമ ലോകം. സമൂഹമാധ്യമത്തില്‍ മുഴുവനും വിവേകിനെ കുറിച്ചുള്ള കുറിപ്പുകളും, അനുശോചനങ്ങളുമാണ്.

പ്രധാന മന്ത്രി മുതല്‍ താരത്തിന്റെ സഹപ്രവര്‍ത്തകള്‍ വരെ അദ്ദേഹത്തിന്റെ വിയോഗത്തില്‍ അനുശോചനം രേഖപ്പെടുത്തി. ഇപ്പോഴിതാ മരണത്തെ കുറിച്ച് വിവേക് എഴുതിയ ഒരു ട്വീറ്റ് വൈറലാവുകയാണ്. ഈ വര്‍ഷം ഫെബ്രുവരിയിലാണ് അദ്ദേഹം മരണത്തെ കുറിച്ച് ട്വീറ്റ് ചെയ്തത്.

எளிய தன்னலமற்ற தூய வாழ்வும் ஓர் நாள் முடிந்துதான் போகிறது! எனினும் பலர் இறப்பர்; சிலரே, இறப்பிற்குப் பின்னும் இருப்பர்!!?????? pic.twitter.com/Hidua28KJn

— Vivekh actor (@Actor_Vivek) February 26, 2021

‘ലളിതവും നിസ്വാര്‍ത്ഥവുമായ ജീവിതവും ഒരുനാള്‍ അവസാനിക്കും. പലരും മരിക്കും. പക്ഷെ, ചിലര്‍ മരണശേഷവും ജീവിക്കുന്നു’ എന്നായിരുന്നു വിവേകിന്റെ വാക്കുകള്‍. നിരവധി പേരാണ് അദ്ദേഹത്തിന്റെ മരണ ശേഷം ഈ ട്വീറ്റ് സമൂഹമാധ്യമത്തില്‍ പങ്കുവെച്ചിരിക്കുന്നത്. വിവേക് മരണ ശേഷവും അദ്ദേഹത്തിന്റെ വാക്കുകള്‍ പോലെ എല്ലാവരുടെയും മനസില്‍ ജീവിക്കുമെന്നും ആരാധകര്‍ പറയുന്നു.