ന​ടി​യെ ആ​ക്ര​മി​ച്ച കേ​സ്; ഹൈ​ക്കോ​ട​തി സിം​ഗി​ള്‍ ബെ​ഞ്ച് വി​ധി​ക്കെ​തി​രെ സ​ര്‍​ക്കാ​ര്‍ അ​പ്പീ​ല്‍ ന​ല്‍​കും

കൊച്ചി: ന​ടി ആക്രമണത്തിനിരയായ കേ​സി​ല്‍ വി​ചാ​ര​ണ​ക്കോ​ട​തി മാ​റ്റാ​നു​ള്ള ഹ​ര്‍​ജി ത​ള്ളി​യ ഹൈ​ക്കോ​ട​തി സിം​ഗി​ള്‍ ബെ​ഞ്ച് വി​ധി​ക്കെ​തി​രെ സ​ര്‍​ക്കാ​ര്‍ അ​പ്പീ​ല്‍ ന​ല്‍​കും. ഇ​ര​യ്ക്കും പ്രോ​സി​ക്യൂ​ഷ​നും വി​ശ്വാ​സം ഇ​ല്ലാ​ത്ത കോ​ട​തി​യി​ല്‍ വി​ചാ​ര​ണ ന​ട​ക്ക​രു​തെ​ന്ന​താ​ണ് സ​ര്‍​ക്കാ​ര്‍ നി​ല​പാ​ടെ​ന്നും ഇ​ര​യ്ക്ക് നീ​തി ല​ഭി​ക്കാ​നാ​വ​ശ്യ​മാ​യ എ​ല്ലാ ന​ട​പ​ടി​യും സ്വീ​ക​രി​ക്ക​ണ​മെ​ന്നും മു​ഖ്യ​മ​ന്ത്രി നി​ര്‍​ദേ​ശി​ച്ചു.

വി​ചാ​ര​ണ​ക്കോ​ട​തി മാ​റ്റ​ണ​മെ​ന്ന ന​ടി​യു​ടെ​യും സ​ര്‍​ക്കാ​രിന്‍റെ​യും ആ​വ​ശ്യം വെ​ള്ളി​യാ​ഴ്ച​ തള്ളിയ ഹൈ​ക്കോ​ട​തി തി​ങ്ക​ളാ​ഴ്ച മു​ത​ല്‍ വി​ചാ​ര​ണ ആ​രം​ഭി​ക്കാ​മെ​ന്നും നി​ര്‍​ദേ​ശി​ച്ചി​രു​ന്നു. നേരത്തെ വാദം കേള്‍ക്കുന്നതിന്റെ ഭാഗമായി ഹൈക്കോടതി വിചാരണയ്ക്ക് സ്‌റ്റേ ഏര്‍പ്പെടുത്തിയിരുന്നു.

വിചാരണ കോടതി മാറ്റുന്നത് തെറ്റായ കീഴ്‌വഴക്കം സൃഷ്ടിക്കുമെന്നാണ് ഹൈക്കോടതി സിംഗിള്‍ ബെഞ്ചിന്റെ നിരീക്ഷണം. കോടതിയും പ്രോസിക്യൂഷനും ഒരുമിച്ച് പോകണമെന്ന് ഹൈക്കോടതി നിര്‍ദേശിച്ചു.

വിചാരണക്കോടതി നടപടികൾക്കെതിരെ ആക്രമണത്തിന് ഇരയായ നടിയും സർക്കാരും രൂക്ഷ വിമർശനമായിരുന്നു ഹൈക്കോടതിയിൽ ഉന്നയിച്ചത്. വിചാരണയുടെ ആദ്യഘട്ടം മുതല്‍ പ്രതികളെ സഹായിക്കുന്ന നിലപാടാണ് വിചാരണക്കോടതിയുടെ ഭാഗത്തു നിന്ന് ഉണ്ടാകുന്നത് എന്ന ഗൗരവമായ ആരോപണമാണ് സര്‍ക്കാരും പരാതിക്കാരിയും കോടതിയില്‍ ഉയര്‍ത്തിയത്.

വിചാരണക്കോടതി മാറ്റണമെന്ന നടിയുടെ ഹര്‍ജിയില്‍ സര്‍ക്കാര്‍ നിലപാട് വിശദീകരിക്കുമ്പോഴാണ് വിചാരണക്കോടതിക്കെതിരെ വിമര്‍ശനം ഉയര്‍ത്തിയത്.