ന്യൂഡല്ഹി: തെരഞ്ഞെടുപ്പ് അടുത്തിരിക്കെ ഡല്ഹി മുഖ്യമന്ത്രി അരവിന്ദ് കെജ്രിവാളിനെതിരെ ആഞ്ഞടിച്ച് മുന് ആംആദ്മി നേതാവും നിലവില് ചാന്ദ്നിചൗക്കിലെ കോണ്ഗ്രസ് സ്ഥാനാര്ഥിയുമായ അല്ക്ക ലാംബ.
കെജ്രിവാളിന്റെ അഴിമതി വിരുദ്ധത കപടമാണെന്ന് അല്ക്ക പറഞ്ഞു. 2015ല് കെജ്രിവാള് അഴിമതിക്കാരനെന്നുവിളിച്ചയാള് ഇത്തവണ ആംആദ്മി ടിക്കറ്റില് മത്സരിക്കുകയാണെന്ന് അല്ക്ക പരിഹസിച്ചു.അല്ക്കയുടെ പഴയ എതിരാളിയും കോണ്ഗ്രസ് നേതാവുമായിരുന്ന പാര്ലാദ് സിംഗ് സംഗ്വിക്ക് സീറ്റ് നല്കിയത് ചൂണ്ടിക്കാട്ടിയായിരുന്നു ഈ വിമര്ശനം.