/sathyam/media/agency_attachments/5VspLzgrB7PML1PH6Ix6.png)
Follow Usന്യൂഡല്‍ഹി: കേന്ദ്ര ആഭ്യന്തരമന്ത്രി അമിത് ഷാ കോവിഡ് 19 വാക്സിന്‍ സ്വീകരിച്ചു. മേദാന്ത ആശുപത്രയില്‍ നിന്നാണ് ഷാ ആദ്യ ഡോസ് വാക്സിന്‍ സ്വീകരിച്ചതെന്ന് ആഭ്യന്തരമന്ത്രാലയം വ്യക്തമാക്കി.
കഴിഞ്ഞവര്‍ഷം ഓഗസ്റ്റില്‍56കാരനായ അമിത് ഷായ്ക്ക് കോവിഡ് സ്ഥിരീകരിച്ചിരുന്നു. അന്ന് മേദാന്ത ആശുപത്രിയിലാണ് ചികിത്സ തേടിയത്. പിന്നീട് കോവിഡാനന്തര ചികിത്സയ്ക്കായി ഡല്‍യിലെ എയിംസില്‍ പ്രവേശിപ്പിച്ചിരുന്നു.
ഇന്ന് മുതല്‍ സര്‍ക്കാര്‍ ആശുപത്രികള്‍ മുഖേന സൗജന്യ വാക്സിന്‍ വിതരണം ആരംഭിച്ചു.60 വയസിന് മുകളില്‍ പ്രായമായവര്‍ക്ക് പുറമേ മറ്റ് രോഗങ്ങളുള്ള 45 വയസിന് മുകളില്‍ പ്രായമുള്ളവര്‍ക്കുമായിരിക്കും പ്രഥമ പരിഗണന. ഈ ഘട്ടത്തില്‍ 27 കോടിയാളുകളിലേക്ക് വാക്സിന്‍ എത്തിക്കാനാകുമെന്നാണ് സര്‍ക്കാര്‍ കണക്ക്കൂട്ടുന്നത്. ആദ്യ ഘട്ടത്തില്‍ ആരോഗ്യപ്രവര്‍ത്തകര്‍ ഉള്‍പ്പടെയുള്ള കോവിഡ് പോരാളികള്‍ക്കാണ് വാക്സിന്‍ നല്‍കിയിരുന്നത്. നിലവില്‍ രാജ്യത്ത് ഒന്നേകാല്‍ കോടിയാളുകള്‍ വാക്സിന്‍ സ്വീകരിച്ചിട്ടുണ്ട്.