/sathyam/media/agency_attachments/5VspLzgrB7PML1PH6Ix6.png)
Follow Usതൃശൂര്‍: കേരള സംസ്ഥാന പേരന്‍റ്സ് ടീച്ചേഴ്സ് അസോസിയേഷന്‍റെ ഈ വര്‍ഷത്തെ ഗുരുശ്രേഷ്ഠപുരസ്‌കാരം ഡോ.എം. ലീലാവതിക്ക്. വിദ്യാഭ്യാസം, മാധ്യമം, ആരോഗ്യം, ജീവകാരുണ്യം, നിയമപാലനം തുടങ്ങിയ രംഗങ്ങളില്‍ സാമൂഹികപ്രതിബദ്ധത പുലര്‍ത്തുന്ന പ്രമുഖ വ്യക്തികള്‍ക്ക് കര്‍മശ്രേഷ്ഠ പുരസ്‌കാരവും പ്രഖ്യാപിച്ചു.
/sathyam/media/post_attachments/hdAGask5fXSYqDcImqvI.jpg "publive-image")
ഇബ്രാഹിം ഹാജി (വിദ്യാഭ്യാസരംഗം- മാനേജര്‍, എ.കെ.എം. ഹയര്‍ സെക്കന്‍ഡറി സ്‌കൂള്‍, കോട്ടൂര്‍), എം.പി. സുരേന്ദ്രന്‍ (പത്രമാധ്യമരംഗം-മുന്‍ ഡെപ്യൂട്ടി എഡിറ്റര്‍ മാതൃഭൂമി, തൃശൂര്‍), ഡോ.കെ. അരുണ്‍കുമാര്‍ (ദൃശ്യമാധ്യമ രംഗം- അസോസിയേറ്റ് എക്‌സിക്യുട്ടീവ് എഡിറ്റര്‍ 24 ചാനല്‍), ഡോ.വി.ജി. സുരേഷ് (ആരോഗ്യം -മെഡിക്കല്‍ ഡയറക്ടര്‍, അശ്വനി ഹോസ്പിറ്റല്‍, തൃശൂര്‍), ഡോ. കെ.ബി. സുരേഷ് (ജീവകാരുണ്യരംഗം -ചെയര്‍മാന്‍, കരുണ ഫൗണ്ടേഷന്‍, ഗുരുവായൂര്‍), വിനോദ്കുമാര്‍. കെ (നിയമപാലനം-അസിസ്റ്റന്‍റ് ഡിസ്ട്രിക്‌ട് നോഡല്‍ ഓഫീസര്‍, സ്റ്റുഡന്‍റ് പോലീസ് കേഡറ്റ്), പ്രദീപ് സി.വി. (നിയമപാലനം-അസിസ്റ്റന്‍റ് ഡിസ്ട്രിക്‌ട് നോഡല്‍ ഓഫീസര്‍, സ്റ്റുഡന്‍റ് പോലീസ് കേഡറ്റ്), ബല്‍റാം ബാബു (നിയമപാലനം-അസിസ്റ്റന്‍റ് സ്റ്റേഷന്‍ ഓഫീസര്‍, ഫയര്‍ഫോഴ്സ്) എന്നിവര്‍ക്കാണ് കര്‍മശ്രേഷ്ഠപുരസ്‌കാരം.
2021 ജനുവരിയില്‍ നടക്കുന്ന വിദ്യാഭ്യാസ അവാര്‍ഡ്മേളയില്‍ സമ്മാനിക്കും. ഫലകവും പ്രശസ്തിപത്രവുമടങ്ങുന്നതാണ് പുരസ്‌കാരം.