ബിനീഷ് കോടിയേരിയോട് വിശദീകരണം തേടാന്‍ 'അമ്മ' തീരുമാനിച്ചു; പാര്‍വതി തിരുവോത്തിന്റെ രാജി അംഗീകരിച്ചു

കൊച്ചി: മയക്കുമരുന്ന് ഇടപാടുമായി ബന്ധപ്പെട്ട പണമിടപാട് ഇ.ഡി അറസ്റ്റു ചെയ്ത ബിനീഷ് കോടിയേരിയോട് വിശദീകരണം തേടാന്‍ താരസംഘടനയായ 'അമ്മ' തീരുമാനിച്ചു. നടി പാര്‍വതി തിരുവോത്തിന്റെ രാജി സംഘടന അംഗീകരിച്ചു.

ബിനീഷിനെ സംഘടനയില്‍ നിന്ന് പുറത്താക്കണമെന്ന് എക്‌സിക്യൂട്ടീവ് യോഗത്തില്‍ ആവശ്യമുയര്‍ന്നിരുന്നു. ദിലീപിനെതിരെ കേസെടുത്തപ്പോൾ സ്വീകരിച്ച അതേ നിലപാട് ബിനീഷിനെ അറസ്റ്റ് ചെയ്തപ്പോഴും സംഘടന സ്വീകരിക്കണം എന്നായിരുന്നു അംഗങ്ങളുടെ ആവശ്യം.

എന്നാൽ എംഎൽഎമാരായ മുകേഷും ഗണേഷ് കുമാറും ഈ ആവശ്യത്തെ എതിർത്തു. തിടുക്കപ്പെട്ട് ഇക്കാര്യത്തിൽ നിലപാട് പാടില്ലെന്നാണ് ഇവർ പറഞ്ഞത്.