തമിഴ്നാട്ടിലെ കടലൂരിലെ പടക്കശാലയിലുണ്ടായ സ്ഫോടനത്തില്‍ ഒമ്പത് പേര്‍ മരിച്ചു

ചെന്നൈ: തമിഴ്നാട്ടിലെ കടലൂരിലെ പടക്കശാലയിലുണ്ടായ സ്ഫോടനത്തിൽ ഒമ്പത് പേർ മരിച്ചു. പടക്കശാലയിലെ തൊഴിലാളികളാണ് മരിച്ചത്.

സ്ഫോടനത്തിൽ കെട്ടിടം പൂർണമായി തകർന്നു. മൂന്ന് ഫയർഎഞ്ചിനുകൾ സ്ഥലത്ത് എത്തിയാണ് തീ അണച്ചത്. പരിക്കേറ്റവരെ കടലൂർ സർക്കാർ ആശുപത്രിയിൽ പ്രവേശിപ്പിച്ചു. അപകടകാരകാരണം വ്യക്തമായിട്ടില്ല.

ലൈസൻസോട് കൂടി പ്രവർത്തിക്കുന്ന പടക്കശാലയായിരുന്നുവെന്നും സംഭവത്തെക്കുറിച്ച് പരിശോധിക്കുന്നതായും കടലൂർ ജില്ലാ പൊലീസ് മേധാവി പറഞ്ഞു.