തദ്ദേശ തെരഞ്ഞെടുപ്പിൽ ഭാര്യയെ മത്സരിപ്പിയ്ക്കാന്‍ ശ്രമിച്ചു; തമിഴ്നാട്ടില്‍ ഡിഎംകെ പ്രാദേശിക നേതാവിനെ വെട്ടിക്കൊന്നു

ചെന്നൈ: തമിഴ്നാട്ടില്‍ ഡിഎംകെ പ്രാദേശിക നേതാവിനെ വെട്ടിക്കൊന്നു. മടിപ്പാക്കം പെരിയാർ നഗർ സ്വദേശി സെൽവമാണ് മരിച്ചത്. ഡിഎംകെ വാർഡ് സെക്രട്ടറിയാണ് സെൽവം. കഴിഞ്ഞ ദിവസം രാത്രി ഒമ്പത് മണിയോടെ രാജാജി നഗർ മെയിൻ റോഡിൽ വച്ചാണ് അക്രമി സെൽവത്തെ വെട്ടിയത്.

കൂടെണ്ടായിരുന്നവർ രക്ഷപ്പെടുത്തി സമീപത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തദ്ദേശ തെരഞ്ഞെടുപ്പിൽ ഭാര്യയെ മത്സരിപ്പിയ്ക്കാനുള്ള ശെൽവത്തിന്‍റെ ശ്രമങ്ങളെ തുടർന്ന് പ്രാദേശികമായ തർക്കങ്ങൾ ഉണ്ടായിരുന്നു.

എന്നാൽ കൊലയ്ക്ക് കാരണം ഇതാണോ എന്ന് വ്യക്തമല്ല. താമ്രം പൊലിസ് കേസെടുത്ത് അന്വേഷണം ആരംഭിച്ചു.