ചെന്നൈയില്‍ ജോലി കഴിഞ്ഞു ഹോസ്റ്റലിലേക്കു മടങ്ങിയ തിരുവനന്തപുരം സ്വദേശിനിയെ പിന്നാലെയെത്തി ആക്രമിച്ചു ഗുരുതരമായി പരുക്കേൽപ്പിച്ചു; യുവതിയുടെ മുഖത്ത് 25 തുന്നലുകൾ, യുവാവ് അറസ്റ്റില്‍

ചെന്നൈ: ചെന്നൈയില്‍ ജോലി കഴിഞ്ഞു ഹോസ്റ്റലിലേക്കു മടങ്ങിയ തിരുവനന്തപുരം അമ്പൂരി സ്വദേശിനിയായ 20 വയസ്സുകാരിയെ പിന്നാലെയെത്തി ആക്രമിച്ചു ഗുരുതരമായി പരുക്കേൽപ്പിച്ച യുവാവ് അറസ്റ്റില്‍.

മുഖത്ത് ആഴത്തിൽ മുറിവേറ്റ പെൺകുട്ടി ആശുപത്രിയിലാണ്. യുവതിയുടെ മുഖത്ത് 25 തുന്നലുകൾ ഇടേണ്ടിവന്നു. സുഹൃത്തുക്കളായിരുന്നെന്നും വിവാഹാഭ്യർഥന നിരസിച്ചതിനെ തുടർന്നാണ് ആക്രമിച്ചതെന്നും അറസ്റ്റിലായ നവീൻ(25) മൊഴി നൽകി.