റഷ്യയും ഉക്രെയ്നും തമ്മിലുള്ള യുദ്ധത്തിന് ശേഷം തായ്വാനും ചൈനയും തമ്മില്‍ യുദ്ധത്തിന് സാധ്യത? ആശങ്ക പ്രകടിപ്പിച്ച് ജപ്പാന്‍ പ്രധാനമന്ത്രി

ഡല്‍ഹി: യൂറോപ്പിലെ റഷ്യ-ഉക്രെയ്ന്‍ യുദ്ധത്തിനുശേഷം ഇപ്പോള്‍ തായ്വാന്‍-ചൈന യുദ്ധം ഏഷ്യയിലും സംഭവിക്കുമോ എന്ന ആശങ്കയിലാണ് ലോകരാജ്യങ്ങള്‍. ഈ വലിയ ആശങ്ക കണക്കിലെടുത്ത് അമേരിക്കയടക്കമുള്ള യൂറോപ്യന്‍ രാജ്യങ്ങള്‍ ഇതിനോടകം ഒരുക്കങ്ങള്‍ ആരംഭിച്ചിട്ടുണ്ട്.

റഷ്യയും ഉക്രെയ്നും തമ്മിലുള്ള യുദ്ധത്തിന് ശേഷം ഏഷ്യയില്‍ തായ്വാനും ചൈനയും തമ്മില്‍ യുദ്ധത്തിന് സാധ്യതയുണ്ടെന്ന് ജപ്പാന്‍ പ്രധാനമന്ത്രി ഫ്യൂമിയോ കിഷിദ ആശങ്ക പ്രകടിപ്പിച്ചു. തായ്വാനിലെ ചൈനയുടെ ആക്രമണം യുക്രെയ്നിലെ റഷ്യയെപ്പോലെയായിരിക്കുമെന്ന് അദ്ദേഹം പറഞ്ഞു. അതിനിടെ നാറ്റോ സംഘടനകള്‍ ജപ്പാനുമായുള്ള ബന്ധം ശക്തിപ്പെടുത്താന്‍ തുടങ്ങിയിട്ടുണ്ട്.

ഉക്രെയ്‌നിനെതിരായ റഷ്യയുടെ യുദ്ധം ആഗോള ഭീഷണി ഉയര്‍ത്തുന്നതിനാല്‍ ജപ്പാനുമായി ശക്തമായ ബന്ധം സ്ഥാപിക്കാന്‍ നോര്‍ത്ത് അറ്റ്‌ലാന്റിക് ട്രീറ്റി ഓര്‍ഗനൈസേഷന്റെ (നാറ്റോ) സെക്രട്ടറി ജനറല്‍ ജെന്‍സ് സ്റ്റോള്‍ട്ടന്‍ബെര്‍ഗ് ആവശ്യപ്പെട്ടു. കിഴക്കന്‍ ഏഷ്യന്‍ പര്യടനത്തിന്റെ ഭാഗമായി ജപ്പാനിലാണ് അദ്ദേഹം.

ഞങ്ങളുടെ സുരക്ഷ വളരെ അടുത്ത ബന്ധമുള്ളതാണ്. അദ്ദേഹം പറഞ്ഞു. റഷ്യയുടെ ഉക്രെയ്ന്‍ അധിനിവേശത്തിനെതിരെ യുഎസ് നേതൃത്വത്തിലുള്ള സാമ്പത്തിക ഉപരോധത്തില്‍ ജപ്പാനും ചേര്‍ന്നു. ഉക്രേനിയന്‍ പൗരന്മാര്‍ക്ക് യുദ്ധേതര പ്രതിരോധ ഉപകരണങ്ങളും മാനുഷിക സഹായവും ജപ്പാന്‍ നല്‍കിയിട്ടുണ്ട്. നാറ്റോയും ജപ്പാനും തമ്മിലുള്ള ബന്ധം വളരെ ശക്തമാണെന്ന് ഇത് കാണിക്കുന്നു. അദ്ദേഹം പറഞ്ഞു.

ദക്ഷിണ കൊറിയയില്‍ നിന്ന് തിങ്കളാഴ്ച രാത്രി വൈകിയാണ് സ്റ്റോള്‍ട്ടന്‍ബര്‍ഗ് ജപ്പാനിലെത്തിയത്. അദ്ദേഹം ഇന്ന് പ്രധാനമന്ത്രി കിഷിദയെ കാണുകയും ആഗോള യുദ്ധസാഹചര്യത്തില്‍ നിന്ന് ഉയര്‍ന്നുവരുന്ന സുരക്ഷാ ആശങ്കകളെക്കുറിച്ച് സംസാരിക്കുകയും ചെയ്യും.