ന്യൂഡല്‍ഹി: കര്‍ഷക പ്രദേശ് കോണ്‍ഗ്രസ് സംസ്ഥാന ജനറല്‍ സെക്രട്ടറിയും നാഫെഡ് ഡയറക്ടറുമായ സിബി ജെ. മോനിപ്പള്ളി(53)യെ ഡല്‍ഹിയില്‍ മരിച്ച നിലയില്‍ കണ്ടെത്തി. അന്തരിച്ച മുതിര്‍ന്ന കര്‍ഷക കോണ്‍ഗ്രസ് നേതാവും സംസ്ഥാന റബര്‍ മാര്‍ക്കറ്റിംഗ് ഫെഡറേഷന്‍ സംസ്ഥാന പ്രസിഡന്ടുമായിരുന്ന ജോസഫ് മോനിപ്പള്ളിയുടെ മകനാണ് .
/sathyam/media/post_attachments/hdnwvFzZ03oCqDUQoGiK.jpg "publive-image")
ഡല്‍ഹിയിലെ സരായ് രോഹില്ല റെയില്‍വെ സ്‌റ്റേഷനില്‍ നിന്നാണ് അബോധാവസ്ഥയിലായ നിലയില്‍ ഇദ്ദേഹത്തെ വൈകുന്നേരത്തോടെ കണ്ടെത്തിയത്. തുടര്‍ന്ന് ന്യൂ റോത്തക് റോഡിലുള്ള ജീവന്‍ മാല ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
ആശുപത്രിയില്‍ എത്തിച്ചപ്പോള്‍ മരിച്ച നിലയിലായിരുന്നെന്ന് ആശുപത്രി അധികൃതര്‍ പറഞ്ഞു. കടുത്ത പ്രമേഹ രോഗമുള്ള ഇദ്ദേഹത്തിനു ഹൃദയ സ്തംഭനമുണ്ടായെന്നാണ് പ്രാഥമിക വിലയിരുത്തല്‍. പോസ്റ്റ്‌മോര്‍ട്ടത്തിനു ശേഷം നാട്ടിലെത്തിക്കും.
റബര്‍ ബോര്‍ഡ് അംഗം, റബര്‍ മാര്‍ക്ക് ഡയറക്ടര്‍ എന്നി പദവികള്‍ വഹിച്ചിട്ടുണ്ട്. റബര്‍ ഗ്രോവേഴ്‌സ് അസോസിയേഷന്‍ പ്രസിഡന്റാണ്. ഹൈക്കോടതി അഭിഭാഷകനായ ഇദ്ദേഹം എറണാകുളം കാക്കനാടാണ് താമസിക്കുന്നത്.
കരിക്കാട്ടൂര്‍ കൂന്താനം കുടുംബാംഗമായ ബീനയാണ് ഭാര്യ. മക്കള്‍: ആദര്‍ശ്, അരവിന്ദ്.
Follow Us/sathyam/media/agency_attachments/5VspLzgrB7PML1PH6Ix6.png)
