/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/PX4hyQ1lTOwFwsZ2fxSO.jpg)
മാധ്യമ പ്രവര്ത്തകയോട് സുരേഷ് ?ഗോപി മോശമായി പെരുമാറിയ സംഭവത്തില് പ്രതികരണവുമായി നടനും തിരക്കഥാകൃത്തുമായ ജോയ് മാത്യു. സുരേഷ് ഗോപിയെ വ്യക്തിപരമായി അറിയുന്നവര്ക്ക് അദ്ദേഹം എത്തരക്കാരനാണെന്ന് അറിയാമെന്നും, താന് സുരേഷ് ഗോപി എന്ന മനുഷ്യന്റെ കൂടെയാണെന്നും ഫെയ്സ്ബുക്കില് പങ്കുവെച്ച കുറിപ്പില് ജോയ് മാത്യു പറഞ്ഞു.
ജോയ് മാത്യുവിന്റെ ഫെയ്സ്ബുക്ക് കുറിപ്പിന്റെ പൂര്ണരൂപം
'സന്ദേശം 'സിനിമ ഇറങ്ങി ഇന്നേക്ക് 32 വര്ഷം പൂര്ത്തിയാവുന്നു. ശങ്കരാടി സഖാവ് കുമാരപിള്ളയായി പറഞ്ഞതില് നിന്നും ഒരിഞ്ച് മുന്നോട്ട് പോകാന് മലയാളികളുടെ രാഷ്ട്രീയ പാര്ട്ടി അടിമത്തം ഇപ്പോഴും തയ്യാറായിട്ടില്ല. 'എതിരാളികളെ പെണ്ണ് കേസിലും ഗര്ഭക്കേസിലും കുടുക്കി നാറ്റിക്കുക ! ഇതിനപ്പുറം ഒന്നുമില്ല. സുരേഷ് ഗോപിയുടെ രാഷ്ട്രീയം വ്യത്യസ്തമായിരിക്കാം. അത് അദ്ദേഹത്തിന്റെ തീരുമാനം. പക്ഷെ വ്യക്തിപരമായി അറിയുന്നവര്ക്കറിയാം അദ്ദേഹം എത്തരക്കാരനാണെന്ന്. അതുകൊണ്ട് തന്നെ ഞാന് സുരേഷ് ഗോപി എന്ന മനുഷ്യന്റെ കൂടെയാണ്. (ഈ പോസ്റ്റിനു താഴെവന്ന് എന്നെ തെറിവിളിക്കുന്ന ലൈംഗിക ദാരിദ്ര്യാനുഭവ പാര്ട്ടിക്കാരെ പരിചയപ്പെടാന് ഈ പോസ്റ്റ് നിങ്ങളെ സഹായിക്കുവാന് ദൈവത്തോട് പ്രാര്ത്ഥിക്കുകയും ഇന്നുമുതല് പ്രമോദ് രാമന്മാരുടെ അടിമകളെ അകറ്റിനിര്ത്താന് തീരുമാനിക്കുകയും ചെയ്തിരിക്കുന്നു)''- ജോയ് മാത്യു ഫേസ്ബുക്കില് പങ്കുവച്ച കുറിപ്പില് പറയുന്നു.
വെള്ളിയാഴ്ച കോഴിക്കോട് മാധ്യമങ്ങളെ കാണുന്നതിനിടെയാണ് സുരേഷ് ഗോപി മാധ്യമപ്രവര്ത്തകയുടെ ചോദ്യത്തിന് മറുപടി നല്കുന്നതിനിടയില് തോളില് കൈയിട്ടത്. ഉടന് തന്നെ അതൃപ്തി പ്രകടിപ്പിച്ച് മാറി നിന്നെങ്കിലും സുരേഷ് ഗോപി വീണ്ടും അത് തന്നെ ആവര്ത്തിച്ചു. വീണ്ടും തോളില് കൈ വെച്ചപ്പോള് മാധ്യമപ്രവര്ത്തക അപ്പോള് തന്നെ തട്ടിമാറ്റി. വീഡിയോ വൈറലായതോടെ സോഷ്യല്മീഡിയയില് അടക്കം വലിയ രീതിയില് വിമര്ശനം ഉയര്ന്നു. ഇതിനിടെ മാധ്യമ പ്രവര്ത്തകയോട് സോഷ്യല്മീഡിയയിലൂടെ സുരേഷ് ഗോപി മാപ്പ് പറയുകയും ചെയ്തു.
ഒരു മകളെപ്പോലെ കണ്ട് വാത്സല്യത്തോടെയാണ് പെരുമാറിയത് എന്നായിരുന്നു സുരേഷ് ?ഗോപിയുടെ വിശദീകരണം. 'മാധ്യമങ്ങളുടെ മുന്നില് വെച്ച് വാത്സല്യത്തോടെ തന്നെയാണ് പെരുമാറിയത്. ജീവിതത്തില് ഇന്നുവരെ പൊതുവേദിയിലും അല്ലാതെയും അപമര്യാദയോടെ പെരുമാറിയിട്ടില്ല. എന്നാല് ആ കുട്ടിക്ക് അതിനെ കുറിച്ച് എന്ത് തോന്നിയോ അതിനെ മാനിക്കണം എന്ന് തന്നെയാണ് എന്റെയും അഭിപ്രായം. ഏതെങ്കിലും രീതിയില് ആ കുട്ടിക്ക് മോശമായി തോന്നുകയോ മാനസിക ബുദ്ധിമുട്ട് അനുഭവപ്പെടുകയോ ചെയ്തിട്ടുണ്ടെങ്കില് ഞാന് ക്ഷമ ചോദിക്കുന്നു', എന്നായിരുന്നു മാപ്പ് പറഞ്ഞ് സുരേഷ് ?ഗോപി പങ്കുവെച്ച കുറിപ്പ്.