International Clean Air for Blue Sky ദിനം ആചരിച്ചു 

ലോക്ക് ഡൗൺ കാലത്ത് ഇന്നത്തെ തലമുറ, തെളിഞ്ഞ നീലാകാശവും നദികളിൽ ശുദ്ധമായ നീരൊഴുക്കും ദൂരെയുള്ള മലനിരകളും ആദ്യമായി കണ്ടു.

പഞ്ചാബിൽനിന്ന് ജനങ്ങൾ ഹിമാലയത്തിൻ്റെ പർവ്വതശിഖരം നഗ്നനേത്രങ്ങൾകൊണ്ട് ജീവിതത്തിലാദ്യമായി കാണുകയുണ്ടായി.

വ്യവസായശാലകളും, വാഹനങ്ങളും നിലച്ചതുമൂലം വായു-ജല-മലിനീകരണങ്ങൾ ഇല്ലാതായതാണ് ഇതിനു കാരണം.

മലിനീകരണം ലോകത്ത് ഏറ്റവുമധികമുള്ള രാജ്യങ്ങളിലൊന്നാണ് ഇന്ത്യ. ഇന്ത്യയിലെ 85 % വൈദ്യുതിയുൽപ്പാദനവും കൽക്കരി, ബയോമാസ്സ് എന്നിവയിൽ നിന്നാണ്.

90 കോടി ടൺ കൽക്കരി, 40 കോടി ടൺ ബിയോമാസ്സ്, 20 കോടി ടൺ ഓയിൽ, 5 കോടി ടൺ ഗ്യാസ് എന്നിങ്ങനെയാണ് ഒരു വർഷം നമ്മൾ കത്തിക്കുന്നത്. ഇതിന്റെ പുകയും അവശിഷ്ടങ്ങളുമാണ് വായു - ജല മലിനീകരണത്തിനുള്ള പ്രധാന കാരണങ്ങൾ. മാത്രമല്ല കാലാവസ്ഥാ വ്യതിയാനത്തിനും ഒരു കാരണം ഇതാണ്.

സൂര്യനിലേക്ക് മടങ്ങുക എന്നതാണ് ഏക പോംവഴി. സോളാർ എനർജിയും ഇ-വാഹനങ്ങളും ആണ് പരിഹാരമാർഗ്ഗങ്ങൾ. വികസിത രാജ്യങ്ങൾ സൈക്കിളുകൾക്കു കൂടുതൽ പ്രചാരം നൽകിവരുന്നുണ്ട്.

ലോകത്തെ 92 % ആളുകളും മലിനമായ വായുവാണ് ശ്വസിക്കുന്നത്. ഇതുമൂലം 70 ലക്ഷം ആളുകൾ ഒരു വർഷം മരിക്കുന്നുണ്ടെന്നാണ് കണക്കുകൾ സൂചിപ്പിക്കുന്നത്.

വായുമലിനീകരണത്തിനെതിരേയുള്ള ബോധവൽക്കരണം എന്ന നിലയിലാണ് ഐക്യരാഷ്ട്രസഭ ഈ വർഷം മുതൽ സെപ്റ്റംബർ 7, International Clean Air for Blue Sky (അന്താരാഷ്ട്ര ശുദ്ധവായു നീലാകാശത്ത്) ദിനമായി ആചരിക്കാൻ തീരുമാനിച്ചത്.