/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/R4nVD7KM8iG5k9Lr81ZV.jpg "publive-image")
കെഎസ്ആര്ടിസിയെ സ്വയംഭരണാധികാരമുള്ള മൂന്ന് ലാഭകേന്ദ്രങ്ങളായി വിഭജിക്കുമെന്ന് മുഖ്യമന്ത്രി പിണറായി വിജയന്. സര്ക്കാര് സഹായിച്ചിട്ടും ശമ്പളം പോലും നല്കാനാവാത്തത് കെഎസ്ആര്ടിസി മാനേജ്മെന്റിന്റെ കെടുകാര്യസ്ഥതയാണെന്ന് മുഖ്യമന്ത്രി കുറ്റപ്പെടുത്തി. ചിന്ത വാരികയിലെ ലേഖനത്തിലാണ് മുഖ്യമന്ത്രി ഇക്കാര്യങ്ങള് പറഞ്ഞത്.
കെഎസ്ആര്ടിസിയെ പൊതുമേഖലയില് നിലനിര്ത്തുകയാണ് ലക്ഷ്യം. എന്നാല് ഇത് അത്ര എളുപ്പമല്ലെന്നും മുഖ്യമന്ത്രി പറയുന്നു. കോര്പ്പറേഷനെ സ്വയം ഭരണാധികാരമുള്ള മൂന്ന് ലാഭ കേന്ദ്രങ്ങളായി വിഭജിക്കുമെന്നും ഡ്യൂട്ടി പാറ്റേണിലെ മാറ്റങ്ങളില് ഉള്പ്പെടെ ജീവനക്കാര് സഹകരിക്കണമെന്നും മുഖ്യമന്ത്രി കൂട്ടിച്ചേര്ത്തു.
മാനേജ്മെന്റ് തലത്തില് ഉദ്യോഗസ്ഥര് കര്ശന നിലപാട് സ്വീകരിക്കണമെന്ന് നിര്ദ്ദേശിച്ച മുഖ്യമന്ത്രി, കെഎസ്ആര്ടിസിയുടെ വിശ്വാസ്യത കൂട്ടാന് ബോര്ഡ് ഉണ്ടാക്കുമെന്നും അറിയിച്ചു.
ഓണാവധിക്ക് ശേഷമുള്ള ആദ്യ പ്രവൃത്തിദിനത്തില് കെഎസ്ആര്ടിസിക്ക് സര്വകാല റെക്കോഡ് വരുമാനമാണ് ലഭിച്ചത്. ഈ കഴിഞ്ഞ പന്ത്രണ്ടാം തിയതി കെഎസ്ആര്ടിസി 8.4 കോടി രൂപ പ്രതിദിന വരുമാനം നേടിയത്. 3941 ബസുകളാണ് അന്ന് സര്വീസ് നടത്തിയത്.