'ജയില്‍ തടവുകാരെ മാനസാന്തരപ്പെടുത്തുന്ന കേന്ദ്രമായി മാറി'; പ്രതികാര ബുദ്ധിയോടെ കാണുന്ന കാലം കഴിഞ്ഞെന്ന് മുഖ്യമന്ത്രി

തിരുവനന്തപുരം; ജയിലുകളില്‍ കാലാനുസരണമായ മാറ്റം ഉണ്ടാകുന്നുണ്ടെന്ന് ആഭ്യന്തര വകുപ്പിന്റെ ചുമതല വഹിക്കുന്ന മുഖ്യമന്ത്രി പിണറായി വിജയന്‍. ജയില്‍ തെറ്റുതിരുത്തലിന്റെയും വായനയുടെയും കേന്ദ്രമായി മാറിയെന്നും ജയില്‍ തടവുകാരെ മാനസാന്തരപ്പെടുത്തുന്ന കേന്ദ്രമായെന്നും മുഖ്യമന്ത്രി പറഞ്ഞു.

പ്രതികാര ബുദ്ധിയോടെ തടവുകാരെ കണ്ടിരുന്ന ഒരു കാലമുണ്ടായിരുന്നു. എല്ലാ സ്വാതന്ത്ര്യങ്ങള്‍ക്കും ആ കാലത്ത് കൂച്ചുവിലങ്ങിട്ടിരുന്നു. ഇന്ന് ജയിലെന്ന സങ്കല്‍പ്പം മാറി. തടവുകാരെ ജയില്‍ അന്തേവാസികളെന്ന് മാറ്റി വിളിക്കാന്‍ തുടങ്ങി.