സി എം രവീന്ദ്രന് വീണ്ടും ഇ ഡി നോട്ടീസ് നൽകി ! അടുത്തയാഴ്ച ഹാജരാകണം, രവീന്ദ്രനായി പ്രത്യേക ചോദ്യാവലി തയ്യാറാക്കാൻ ഇഡി. എൻഫോഴ്സ്മെമെൻറ് ഡയറക്ട്രേറ്റ് ഉദ്യോഗസ്ഥരുടെ പ്രത്യേക യോഗം തിങ്കളാഴ്ച. രവീന്ദ്രൻ്റെ ചോദ്യം ചെയ്യൽ മുഖ്യമന്ത്രിക്ക് നിർണായകം

കൊച്ചി: മുഖ്യമന്ത്രിയുടെ അഡീഷനൽ പ്രൈവറ്റ് സെക്രട്ടറി സി എം രവീന്ദ്രന് ചോദ്യം ചെയ്യലിന് ഹാജരാകാൻ ഇഡി വീണ്ടും നോട്ടീസ് നൽകി. സിഎം രവീന്ദ്രൻ കൊവിഡ് മുക്തനായതിനെത്തുടർന്ന് ആശുപത്രി വിട്ടതായി ഇഡിയെ അറിയിച്ചിട്ടുണ്ട്. തുടർന്നാണ് ചോദ്യം ചെയ്യലിന് ഹാജരാകാൻ ആവശ്യപ്പെട്ട് ഇഡി നോട്ടീസ് നൽകിയത്.

അടുത്തയാഴ്ച ഹാജരാകാനാണ് നിർദേശം നൽകിയിട്ടുള്ളത്. തിങ്കളാഴ്ച ഇ ഡി മേധാവിയുടെ നേതൃത്വത്തിൽ കേസിൻ്റെ വിലയിരുത്തലിന് പ്രത്യേക യോഗം ചേരുന്നുണ്ട്. ഈ യോഗത്തിൽ രവീന്ദ്രൻ അടക്കമുള്ളവരെ ചോദ്യം ചെയ്യാനുള്ള ചോദ്യാവലി തയ്യാറാക്കും.

ശിവശങ്കറിന്റെ ചോദ്യം ചെയ്യലിൽ നിന്നും ലഭിച്ച വിവരങ്ങളുടെ അടിസ്ഥാനത്തിലാണ് രവീന്ദ്രനെ ചോദ്യം ചെയ്യാൻ ഇഡി വിളിപ്പിച്ചത്. എം ശിവശങ്കറിനെപ്പോലെ തന്നെ പിണറായി വിജയന്റെ ഏറ്റവും വിശ്വസ്തനാണ് സി എം രവീന്ദ്രൻ.