തിരുവനന്തപുരം: വൃദ്ധയെ അധിക്ഷേപിച്ചെന്ന ആരോപണത്തില് പ്രതികരണവുമായി വനിത കമ്മീഷന് അധ്യക്ഷ എം.സി. ജോസഫൈന്. പരാതിക്കാരിയോട് മോശമായി പെരുമാറിയിട്ടില്ലെന്ന് ജോസഫൈന് പറഞ്ഞു.
വിളിച്ചയാളുടെ ആശയവിനിമയത്തില് അവ്യക്തത ഉണ്ടായിരുന്നു. ഇതാണ് തെറ്റിദ്ധാരണയ്ക്ക് കാരണമായത്. മാധ്യമങ്ങള് സംഭവം പെരുപ്പിച്ചു കാട്ടുകയാണെന്നും ജോസഫൈന് കുറ്റപ്പെടുത്തി.
ജോസഫൈനെതിരെ ടി. പത്മനാഭന് വിമര്ശനം ഉന്നയിച്ചതോടെയാണ് വിശദീകരണവുമായി അവര് രംഗത്തെത്തിയത്.87 വയസുള്ള വൃദ്ധയെ അധിക്ഷേപിച്ചത് വളരെ ക്രൂരമായിപ്പോയെന്ന് പത്മനാഭന് പറഞ്ഞു. ദയയും സഹിഷ്ണുതയും ഇല്ലാത്ത പെരുമാറ്റമായിരുന്നു. കാറും വലിയ ശമ്ബളവും നല്കി ഇവരെ നിയമിച്ചതെന്തിനെന്ന് പത്മനാഭന് ചോദിച്ചു.