ന്യൂഡല്ഹി: ഇന്ത്യയില് കോവിഡ് ബാധിതരുടെ എണ്ണം വര്ധിക്കുന്നു. കഴിഞ്ഞ 24 മണിക്കൂറിനിടെ 17 കൊറോണ വൈറസ് മരണങ്ങളും റിപ്പോര്ട്ട് ചെയ്തു. ഇതോടെ രാജ്യത്തെ ആകെ മരണസംഖ്യ 166 ആയി. 540 പുതിയ കേസുകള് കൂടി വന്നതോടെ രോഗബാധിതരുടെ എണ്ണം 5734 ആയി. അതിനിടെ ജാര്ഖണ്ഡിലും ആദ്യ കോവിഡ് മരണം റിപ്പോര്ട്ട് ചെയ്തു.
ബൊക്കാരോയില് ചികിത്സയിലായിരുന്ന 72 വയസുകാരനാണ് മരിച്ചത്. രോഗലക്ഷണങ്ങളുമായി ബിജിഎച്ച് ആശുപത്രിയില് ചികിത്സയിലായിരുന്നു. ഗുജറാത്ത്-16, മധ്യപ്രദേശ്-13, ഡല്ഹി-9, പഞ്ചാബ്-8, തമിഴ്നാട്-8, പശ്ചിമ ബംഗാള്-5, കര്ണാടക-5, ആന്ധ്രാപ്രദേശ്-4, ജമ്മു കാഷ്മീര്-4, ഉത്തര്പ്രദേശ്-4, ഹരിയാന-3, രാജസ്ഥാന്-3, കേരളം-2, ബിഹാര്-1, ഹിമാചല് പ്രദേശ്-1, ഒഡീഷ്-1 എന്നിങ്ങനെയാണ് മറ്റു സംസ്ഥാനങ്ങളിലെ കോവിഡ് മരണനിരക്ക്.