തിരുവനന്തപുരം: കൊറോണ വൈറസ് ബാധയെ തുടര്ന്ന് സംസ്ഥാനത്ത് വിവിധ ജില്ലകളിലായി നിലവില് 132 പേര് മാത്രമാണ് നിരീക്ഷണത്തിലുള്ളതെന്ന് ആരോഗ്യമന്ത്രി കെ കെ. ശൈലജ. ഇവരില് 130 പേര് വീടുകളിലും രണ്ടുപേര് ആശുപത്രികളിലും നിരീക്ഷണത്തിലാണ്.
സംശയാസ്പദമായവരുടെ 460 സാമ്പിളുകള് എന്ഐവിയില് പരിശോധനയ്ക്ക് അയച്ചിട്ടുണ്ട്. ഇതില് 451 സാമ്ബിളുകളുടെ പരിശോധനാ ഫലം നെഗറ്റീവ് ആണ്. നിലവില് ആശുപത്രിയില് പ്രവേശിപ്പിക്കപ്പെട്ട ആരുടേയും ആരോഗ്യനിലയില് ആശങ്കയ്ക്ക് വകയില്ലെന്നും മന്ത്രി വ്യക്തമാക്കി. വീട്ടിലെ നിരീക്ഷണത്തില് കഴിയുന്ന ഏഴ് വ്യക്തികളെ പരിഷ്കരിച്ച മാര്ഗരേഖ പ്രകാരം ഒഴിവാക്കിയിട്ടുണ്ട്.