Advertisment

കോവിഡ്​ 19 പ്രതിരോധം; 5 ടി പദ്ധതി പ്രഖ്യാപിച്ച്‌ ഡല്‍ഹി മുഖ്യമന്ത്രി അരവിന്ദ് കെജരിവാള്‍

New Update

ന്യുഡല്‍ഹി: കോവിഡ്​ 19 വ്യാപനം തടയുന്നതിനായി 5 ടി പദ്ധതി പ്രഖ്യാപിച്ച്‌ ഡല്‍ഹി മുഖ്യമന്ത്രി അരവിന്ദ് കെജരിവാള്‍. ഡോക്​ടര്‍മാരും വിദഗ്​ധരുമായി ചര്‍ച്ച ചെയ്​ത്​ പ്രത്യേക പ്ലാന്‍ തയാറാക്കിയത്. ടെസ്​റ്റിങ്​, ട്രെയിസിങ്​, ട്രീറ്റ്​മെന്റ്​, ടീംവര്‍ക്ക്​, ട്രാക്കിങ്​ എന്നിവയാണ് പദ്ധതിയില്‍ ഉള്‍പ്പെടുന്നത്.

Advertisment

publive-image

ഐസിഎംആറിന്‍റെ നിര്‍ദേശം അനുസരിച്ച്‌​ കോവിഡ്​ വൈറസ്​ ഹോട്ട്​സ്​പോട്ടുകളില്‍ റാപിഡ്​ ആന്‍റി ബോഡി ടെസ്​റ്റ്​ ആരംഭിച്ചു. ഏകദേശം 30,000 ത്തോളം രോഗബാധിതരുണ്ടെന്ന നിഗമനത്തിലാണ്​ മുന്നോട്ടുപോകുന്നത്​.

പരിശോധന കിറ്റുകളുടെ ക്ഷാമം സംസ്​ഥാനത്ത്​ അനുഭവപ്പെട്ടിരുന്നു. ഇപ്പോള്‍ സ്​ഥിതി മാറി. 50,000കിറ്റുകള്‍ ഓര്‍ഡര്‍ ചെയ്​തത്​ സംസ്​ഥാനത്ത്​ എത്തിതുടങ്ങി. റാപ്പിഡ്​ ടെസ്​റ്റ്​ ​വിപുലീകരിക്കുന്നതിനായി ഒരു ലക്ഷം കിറ്റുകള്‍ ഓര്‍ഡര്‍ ചെയ്​തിട്ടുണ്ട്​. ഇത്​ വെള്ളിയാഴ്​ച എത്തുമെന്നും ഡല്‍ഹി മുഖ്യമന്ത്രി അറിയിച്ചു.

നിലവില്‍ റാപ്പിഡ്​ ടെസ്​റ്റ്​ നടത്തുന്നത്​ നിസാമുദ്ദീനിലും ദില്‍ഷാദ്​ ഗാര്‍ഡനിലുമാണ്​. സംസ്​ഥാനത്തെ മൂന്നു സര്‍ക്കാര്‍ ആശുപത്രികളിലായി 2950 ബെഡുകള്‍ ഒരുക്കിയിട്ടുണ്ട്​. ചില സ്വകാര്യ ആശുപത്രികളും ചികിത്സ നല്‍കാന്‍ സജ്ജമാക്കി. ഇതുവരെ 525 പേര്‍ക്കാണ്​ ഡല്‍ഹിയില്‍ രോഗബാധ സ്​ഥിരീകരിച്ചത്​.

30,000 ​ത്തോളം പേര്‍ക്ക്​ രോഗം ബാധിച്ചിട്ടു​ണ്ടെന്ന കണക്കുകൂട്ടലിലാണ്​ മുന്നോട്ടുപോകുന്നത്​. 8000 ​ത്തോളം ബെഡുകള്‍ ആശുപത്രികളില്‍ ഒരുക്കാനാകും. കേസുകളുടെ എണ്ണം കൂടുന്നതിന്​ അനുസരിച്ച്‌​ കൂടുതല്‍ സൗകര്യങ്ങളൊരുക്കും. 12,000ത്തോളം ഹോട്ടല്‍ ബെഡുകളിലും ധര്‍മശാലകളിലും മറ്റുമായി 10,000ത്തോളം ബെഡുകളും ഐസൊലേഷനായി തയാറാക്കും. രോഗം മൂര്‍ച്ഛിച്ചവരെയായിരിക്കും ആശുപത്രിയില്‍ പ്രവേശിപ്പിക്കുക. 400 വെന്‍റിലേറ്റര്‍ സൗകൗര്യവും 1200 ബെഡുകളില്‍ ഓക്​സിജന്‍ സൗകര്യവും ഒരുക്കുമെന്നും കെജരിവാള്‍ അറിയിച്ചു.

corona virusfive t project
Advertisment